၈. ၉.၂၀၂၄
Written by Nay Moe
မန္တလေးတိုင်း၊ မြင်းခြံ-နွားထိုးကြီး ကားလမ်းမှာ လုံခြုံရေးတပ်ဖွဲ့ဝင်နှစ်ဦးကို PDF တွေက စက်တင်ဘာ ၆ ရက်မှာ ဖမ်းမိထားတယ်လို့ Myingyan Ranger အဖွဲ့က ထုတ်ပြန်ထားပါတယ်။
ဖြစ်စဥ်က မန္တလေးတိုင်း၊ မြင်းခြံ-နွားထိုးကြီး ကားလမ်းပေါ် စက်တင်ဘာ ၆ ရက်နေ့မှာ PDF တွေက ခရီးသွားပြည်သူတွေကို တားဆီးစစ်ဆေးနေချိန် ဆိုင်ကယ်တစ်စီးနဲ့ မြင်းခြံမြို့ဘက်ကလာတဲ့ လုံခြုံရေးတပ်ဖွဲ့ဝင်နှစ်ဦးကို လက်ပစ်ဗုံးတစ်လုံးနဲ့အတူ ဖမ်းဆီးထိန်းသိမ်းခဲ့တာပါ။
ဒီစစ်ဆေးဖမ်းဆီးမှုကို Myingyan Ranger အဖွဲ့၊ မြင်းခြံခရိုင် အမှတ် (၁) တပ်ရင်း၊ Freedom Fighter Guerrilla Force (FFGF) နဲ့ ရဲခေါင်ပျောက်ကြားအဖွဲ့တို့ ပူးပေါင်းဆောင်ရွက်ခဲ့တယ်လို့လည်း Myingyan Ranger အဖွဲ့က ဖော်ပြထားပါတယ်။
