“လရောင်အောက်က ကုမုဒြာ” နဲ့ “ရင်ထဲကငိုကြွေးသံ” ဇာတ်လမ်းတွဲ ၂ ကား ထုတ်လွှင့်ပြမယ့်အကြောင်း စာနယ်ဇင်းမိတ်ဆက်

၈.၉.၂၀၂၄
Written By Thandar

Shan Lay Movie Production ရဲ့ “လရောင်အောက်က ကုမုဒြာ” နဲ့ “ရင်ထဲကငိုကြွေးသံ”ဇာတ်လမ်းတွဲ ၂ ကားထုတ်လွှင့်ပြမယ့်အကြောင်း စာနယ်ဇင်းမိတ်ဆက်ပွဲကို ယနေ့စက်တင်ဘာ ၈ ရက် နံနက်ပိုင်းက ရန်ကုန်မြို့ Sky Star Hotel မှာ ကျင်းပခဲ့ပါတယ်။

“ထုတ်လုပ်သူကို ရှမ်းလေးနဲ့ မိသားစုဒရာမာ အချစ်ဇာတ်လမ်းပုံစံရိုက်ချင်တာကြောင့် ကျွန်တော့်အနေနဲ့ဇာတ်ကား ၂ ကားလုံးကို ပုံစံမတူဘဲ ရိုက်ကူးပုံဖော်ခဲ့ပါတယ်။ “ရင်ထဲကငိုကြွေးသံ”ဇာတ်လမ်းတွဲကတော့ Channel K လိုင်းမှာပြသပြပါပြီ။ “လရောင်အောက်က ကုမုဒြာ” ဇာတ်လမ်းတွေမှာ အမွှေအနှောက်လေးတွေပါတယ်။ လောဘဇောတက်ကြရင် ကျေးဇူးရှင်ကို မကြံစည်သင့်တာကို ကြံစည်မိတတ်တယ်။ လောဘရဲ့ နောက်မှာ ကောင်းကျိုးတစ်ခုမှ မရဘူးဆိုတာကို Message လေးပေးထားပါတယ်”လို့ ဒါရိုက်တာ တင်အောင်ကျော်က MT Entertainment ပြောပါတယ်။

“လရောင်အောက်က ကုမုဒြာ” ဇာတ်လမ်းတွဲကို ဒါရိုက်တာ တင်အောင်ကျော်က သရုပ်ဆောင်တွေဖြစ်တဲ့ ဟိန်းဝေယံ ၊ အကယ်ဒမီ စိုးပြည့်သဇင် ၊ အကယ်ဒမီမေသန်းနု ၊ အကယ် ဒမီ ဝါဝါအောင် ၊ ဒေါင်းဝေ ၊ ပိုးဝတီသာ ၊ အထွယ့် စတဲ့အနုပညာရှင်တွေနဲ့ ရိုက်ကူးထားပါတယ်။

“ဒီကားရဲ့ ဇာတ်လမ်းလေးက ဆန်းတယ် ဇာတ်လမ်းလေးကို သဘောကျလို့ လက်ခံဖြစ်တာပါ။ ကျွန်တော် ဒီဇာတ်လမ်းအပေါ်မှာ အကောင်းဆုံးကြိုးစားပြင်ဆင်နေပါတယ်။ ပရိသတ်တွေ သဘောကျမယ့် ဇာတ်လို့လည်း မျှော်လင့်ပါတယ်။ ဒီကားလေးကို ဒီနေ့ည ၇ နာရီမှာထုတ်လွှင့်မှာပါ။ အားပေးကြပါဦးလို့ပြောချင်ပါတယ် “လို့ သရုပ်ဆောင် ဟိန်းဝေယံက ပြောပါတယ်။

“ရင်ထဲကငိုကြွေးသံ” ဇာတ်လမ်းတွဲမှာ သရုပ်ဆောင်ဖြစ်တဲ့ မော်ကွန်းသစ် ၊ ဧကရီမွန် ၊ နေမျိုးအောင် ၊ အထွယ် ၊ကြည်ဖြူအောင် စတဲ့ အနုပညာရှင်တွေ ပါဝင်ကြမှာဖြစ်ပြီး Channel K ရုပ်သံလိုင်းက ထုတ်လွှင့်ပြသခဲ့ပြီးဖြစ်ပါတယ်။

အပိုင်း ၁၆ ပိုင်းစာပါဝင်မယ့် “လ ရောင်အောက်က ကုမုဒြာ” ဇာတ်လမ်းတွဲကို ယနေ့ စက်တင်ဘာ ၈ ရက် ည ၇ နာရီမှာ Channel K ရုပ်သံလိုင်းက စနေနေ့နဲ့ တနင်္ဂနွေနေ့တိုင်း ထုတ်လွင့်ပြသမှာလည်း ဖြစ်ပါတယ်။