၂၁.၈.၂၀၂၄
Written by TZ
ရှမ်းပြည်နယ်၊ တောင်ကြီးခရိုင်၊ တောင်ကြီးမြို့၊ ကျောင်းစုကြီးရပ်ကွက်၊ အနောက်မြို့ပတ်လမ်း၊ တောင်ကြီးတက္ကသိုလ်နှင့် ဧရာဝတီလက်ဖက်ရည်ဆိုင်ကြားတွင် အဝေးပြေး Elite ယာဥ်မှ ကျောင်းလိုက်ပို့သည့် ဆိုင်ကယ်ကိုချိတ်ဆွဲတိုက်မိရာက အသက် (၁၀) နှစ်အရွယ် ကျောင်းသားငယ်တစ်ဦး ပွဲချင်းပြီးသေဆုံးသွားကြောင်း သိရသည်။
အဆိုပါဖြစ်စဥ်မှာ ယနေသြဂုတ်လ ၂၁ ရက် နံနက် ၈ နာရီခန့်က ဖြစ်ပွားခဲ့ပြီး Elite အဝေးပြေးယာဥ်မှ ရှေ့မှမောင်းနှင်သည့် မော်တော်ဆိုင်ကယ်အား ချိတ်ဆွဲမိရာက ဖခင်ဖြစ်သူ၏ ဆိုင်ကယ်နောက်တွင် လိုက်ပါလာသည့် အသက် (၁၀) နှစ်အရွယ်ကလေးငယ်မှာ ဆိုင်ကယ်ပေါ်မှပြုတ်ကျပြီး အခင်းနေရာ၌ သေဆုံးသွားကြောင်း သိရသည်။
“တိုက်ပြီးမှ တွေ့လိုက်တာ။ ကလေးကတော့ အသားစတွေတောင်ထွက်ပြီး ဆုံးသွားတယ်။ ကလေးက အသက်(၁၀) နှစ်။ သူက ကျောင်းသားလေး” ဟု ဖြစ်စဥ် မြင်တွေ့သည့် မြို့ခံတစ်ဦးက MT News သို့ ပြောသည်။
ကလေးငယ်တစ်ဦးသေဆုံးအောင် ယာဥ်မောင်းနှင်သည့် Elite ယာဥ်မောင်း အမျိုးသားကိုလည်း သက်ဆိုင်ရာက ဖမ်းဆီး ခေါ်ဆောင်သွားကြောင်း သိရသည်။
Photo -Credit
