၂၁.၆.၂၀၂၄
Written By Thandar
ပရိသတ်ချစ်ခင်အားပေးမှု များစွာရရှိထားတဲ့ တေးသံ ရှင် ဆင်ပေါက်ရဲ့ ကိုယ်ပိုင်သံစဥ် “မိုးအတွက် မိုး” တေးသီချင်းသစ်ကို အထီးကျန်ပေါက်ကွဲနေတဲ့ ခံစားချက်နဲ့ ထပ်တူ ခံစားသီဆိုထားတယ်လို့ ဆိုပါတယ်။
“သီချင်းခွေ မထွက်တော့ဘူးလား ပရိသတ်တွေက မေးလာကြလို့ ခွေမထွက်ဖြစ်ပေမယ့် သီချင်းလေးတွေ ဆက်တိုက် ထွက်နိုင်အောင် ကြိုးစားပြီး တင်ဖြစ်တာပါ။ ကျွန်တော်ရဲ့ မိုးရာသီနဲ့ လိုက်ဖက်တဲ့ သီချင်းသစ်လေး ထွက်လိုက်တာပါ။ မိုးအတွက် မိုး ဆိုတဲ့ သီချင်းလေးပါ။ ဒီသီချင်းလေးကို ကို Moris John ရေးပေးထားပါတယ်။ တကယ်တော့ အားလုံးရဲ့ ရင်ထဲကို ငြိမ်းချမ်းသွားစေချင်သလို အထီးကျန်ပြီး ပေါက်ကွဲနေတာနဲ့ ထပ်တူခံစားပြီးတော့ သီဆိုထားတာပါ။ ကျွန်တော့်ရဲ့ Official YouTube Channel တင်ထားတာမို့ အားပေးကြပါဦးလို့ ပြောချင်ပါတယ်” အဆိုတော် ဆင်ပေါက်က ပြောပါတယ်။
အဆိုပါ တေးသီချင်းကို တေးရေးဆရာ Moris John ရေးသားပေးထားတာလည်းဖြစ်ပြီး Featuring အနေနဲ့ Beat Panda က သီဆိုပေးထားတာလည်းဖြစ်ပါတယ်။ Music Video မှာ သရုပ်ဆောင်အနေနဲ့ ဆင်ပေါက်နဲ့ အတူ သီရိအောင်က ပါဝင်ရိုက်ကူးထားပြီး ဆင်ပေါက်ကတော့ ၂၀၂၄ ခုနှစ်အတွင်းမှာ Official သီချင်းသစ်တွေ ဆက်တိုက်ထွက်လာဖို့ရှိပါတယ်။
