၂၁.၆.၂၀၂၄
Written By Thandar
အနုပညာနဲ့ပတ်သတ်ရင် ကဝေလို့ တင်စားခေါ်ဝေါ်ကြတဲ့ မင်းသား အကယ်ဒမီနေတိုးရဲ့ ချစ်ဇနီး သဲစုမြတ်ရွှေရဲ့ ဇွန်လ ၂၁ရက်မှာ ကျရောက်တဲ့ မွေးနေ့လေးမှာ မိသားစုချစ်စရာပုံရိပ်လေးတွေ ပရိသတ်ကို ချပြလာပါတယ်။
“ကျွန်တော့်အနေနဲ့ သူမရဲ့ ပျော်ရွှင်စရာမွေးနေ့လေးပါ။ ဒီနေ့လေးအတွက် အမှတ်တရလေးတွေကို ဖန်တီးထားတာလည်းဖြစ်ပါတယ်။ ဒီအမှတ်တရလေးကနေ နောက်ထပ်နှစ်ပေါင်းများစွာ ပျော်ရွှင်ပါစေ” လို့ အကယ်ဒမီ နေတိုးက ပရိသတ်သိအောင်ပြောပါတယ်။
သူမရဲ့ မွေးနေ့လေးအတွက် မိသားစုလိုက် ပျော်ရွှင်စရာ ပုံလေးတွေကို ပရိသတ်ကို ချပြလာတာလည်း ဖြစ်ပါတယ်။ နေတိုးပါဝင်ထားတဲ့ လာခေါ်သူ ရုပ်ရှင်ဇာတ်ကားကြီးလည်း ပြသနေလျှက်ရှိပြီးတော့ လက်ရှိဇာတ်လမ်းတွဲတွေနဲ့ ရုပ်ရှင်ဇာတ်ကားကြီးတွေ ရိုက်ကူးနေလျှက်ရှိပါတယ်။ ဇနီးသည် သဲစုမြတ်ရွှေကလည်း အလှအပရေးရာနဲ့ဆိုင်တဲ့ Cosmetic ထုတ်ကုန်ကြော်ငြာတွေ ရိုက်ကူးပေးနေလျှက်ရှိပါတယ်။
နေတိုး@နေလင်းအောင်နဲ့ သဲစုမြတ်ရွှေတို့ မင်္ဂလာဦးဆွမ်းကျွေးအလှူမင်္ဂလာကိုတော့ ပြီးခဲ့တဲ့ ၂၀၂၂ ခုနှစ် ဖေဖော်ဝါရီ ၅ ရက်နေ့က သာကေတမြို့နယ် မြခွာညိုအိမ်ရာမှာကျင်းပခဲ့ပြီး ၂၀၂၂ ခုနှစ် ဧပြီ ၁၀ ရက်နေ့မှာ ရန်ကုန်မြို့ Lotte Hotel မှာ မင်္ဂလာဧည့်ခံပွဲကို ကျင်းပခဲ့တာလည်းဖြစ်ပါတယ်။
