၂၀.၆.၂၀၂၄
Written By Thandar
ပရိသတ်တွေစိတ်အပန်းပြေစေမယ့် ဟာသဇာတ်လမ်းပုံစံ “ရှယ်အော်လံ” ရုပ်ရှင်ဇာတ်ကားကြီး Premier Show ကို ယမန် နေ့ ဇွန်လ ၁၉ ရက် ညနေပိုင်းက ရန်ကုန်မြို့ သမ္မတအဆင့်မြင့် ရုပ်ရှင်ရုံမှာ ကျင်းပခဲ့ပါတယ်။
“နော်ဖောက ဒီကားထဲက စန်းစန်းတင့် ပေါ့နော်။ ကိုယ်တစ်ခါမှ မလုပ်ဖူးသေးတဲ့ ဈေးထဲ ငါးရောင်းသမလေး ဆတ်ဆတ်ထိမခံ အောကြောလန် ကာရိုက်တာနဲ့ သရုပ်ဆောင်ထားတယ်။ ကိုယ့်အမေကလည်း မကြီးစိုး@စိုးမြတ်သူဇာဆိုတော့ သား အမိနှစ်ယောက်လုံးက ခပ်စွာစွာပေါ့။ ကိုယ့်အတွက် စိန်ခေါ်မှုများတဲ့ ကာရိုက်တာလို့လည်း ပြောလို့ရတယ်။ နောက် ပိုက်ဆံကလွဲပြီး ဘယ်အရာမှ စိတ်မဝင်စားဘူးပေါ့။ အားလုံးမြိုင်မြိုင်ဆိုင်ဆိုင်လေး သရုပ်ဆောင်ထားပါတယ်” လို့ သရုပ်ဆောင် နော်ဖောအယ်ထားက ပြောပါတယ်။
The Ray Film Production က ဒီဇာတ်ကားကိုတော့ ဇာတ်လမ်း ဇာတ်ညွှန်း သက်ဦးမောင်တို့က ရေးသားထားပြီး ဒါရိုက်တာ အကယ်ဒမီ ကိုဇော်(အရုဏ်ဦး)က သရုပ်ဆောင်တွေဖြစ်တဲ့ တိုင်ရွန်၊ အကယ်ဒမီနေဝင်း၊ အကယ်ဒမီစိုးမြတ်သူဇာ၊ ခြူးလေး၊ နော်ဖောအယ်ထား၊ ခင်လှိုင်၊ အကယ်ဒမီ မိုးဒီ၊ စုရှိုင်း၊ အကယ်ဒမီ ဝါဝါအောင်၊ နေလင်း၊ ငှက်ပျောကြော်၊ စူပါလင်း၊ သွက်လက် စတဲ့သူတွေနဲ့ ပါဝင်ရိုက်ကူးထားပါတယ်။
“ရှယ်အော်လံ” ရုပ်ရှင်ဇာတ်ကားကြီးကိုတော့ မနက်ဖြန် ဇွန်လ ၂၁ ရက်ကစ မြန်မာတစ်နိုင်ငံလုံးရှိ အဆင်မြင့် ရုပ်ရှင်ရုံတွေမှာ ရုံတင်ပြသမှာဖြစ်ပါတယ်။
