တောင်ငူ၊ မိုင်ဒါကွင်းအတွင်း အသက် ၆၀ အရွယ် အမျိုးသားကြီးတစ်ဦး၏ လဲကျသေဆုံးနေသည့် ရုပ်အလောင်းတွေ့ရှိ

၁၉.၆.၂၀၂၄
Written by TZ

ပဲခူးတိုင်းဒေသကြီး၊ တောင်ငူမြို့၊ မိုင်ဒါကွင်းအတွင်း အသက် ၆၀ အရွယ်ရှိသည့် အမျိုးသားကြီးတစ်ဦး လဲကျသေဆုံးနေသည့် ရုပ်အလောင်း​ကို ယမန်နေ့က တွေ့ရှိခဲ့ကြောင်း Save The Trees Rescue Team ထံမှ သိရသည်။

ဖြစ်စဥ်မှာ ဇွန်လ ၁၈ ရက် ညနေ ၆ နာရီအချိန်တွင် အလောင်းတစ်လောင်းတွေ့ရှိကြောင်း သတင်းရရှိသောကြောင့် ဖြစ်စဥ်နေရာသို့ Save The Trees Rescue Team မှ အသင်းယာဥ်ဖြင့် သွားရောက်ကူညီခဲ့ကြောင်း သိရသည်။

အဆိုပါအမျိုးသားကြီး၏ ရုပ်အလောင်းကို တောင်ငူပြည်သူ့ဆေးရုံရှိ ရင်ခွဲရုံသို့ ပို့ဆောင်လိုက်ကြောင်း သိရသည်။

“အလောင်းပိုင်ရှင်ကတော့ ဒီမနက် လာရောက်ထုတ်သွားပြီ။ ဘယ်လိုသေတာလဲဆိုတာကိုတော့ မသိဘူး”ဟု Save The Trees Rescue Team မှ တာဝန်ရှိသူတစ်ဦးက MT News သို့ဖြေကြားသည်။