PDF ဆိုသူသုံးဦး သေဆုံးနေမှုကို တွေ့ရစဥ်
MT News
ရေစကြိုမြို့နယ်၊ ကြန့်ဆိပ်ကျေးရွာအနီးတွင် PDF သုံးဦးကို အသေဖမ်းမိသည့်အပြင် ယာဥ်နှင့် လက်နက်ခဲယမ်းများပါ ဖမ်းမိခဲ့သည်ဟု သိရသည်။
ဖြစ်စဥ်မှာ မကွေးတိုင်းဒေသကြီး၊ ရေစကြိုမြို့နယ်အတွင်း လုံခြုံရေးဆောင်ရွက်နေသည့် တပ်ဖွဲ့ဝင်များသည် သတင်းပေးပို့ချက်အရ ကြန့်ဆိပ်ကျေးရွာ၏ မြောက်ဘက် မီတာ ၃၀၀ ခန့်အကွာ၌ စောင့်ဆိုင်းနေစဉ် ဒီဇင်ဘာ၂၂ရက်နေ့ နံနက် ၁၁ နာရီ ၅၀ မိနစ်ခန့်တွင် တောင်ကြားကျေးရွာဘက်မှ ကြန့်ဆိပ်ကျေးရွာဘက်သို့ မောင်းနှင်လာသည့် Mitsubishi အမျိုးအစား လိုင်စင်မဲ့မော်တော်ယာဉ်ပေါ်၌ လက်နက်များ ကိုင်ဆောင်ထားသည့် PDF များအားတွေ့ရှိရသဖြင့် ပစ်ခတ်ဖမ်းဆီးခဲ့သည်။
ထိုသို့ ပစ်ခတ်ဖမ်းဆီးမှုကြောင့် PDF အမျိုးသား ၃ ဦးအား ၁၂ ဗို့သေနတ် ၁ လက်၊ ၎င်းကျည် ၁၄ တောင့်၊ လက်လုပ်သေနတ် ၁ လက်၊ လက်လုပ်မိုင်း ၄ လုံး၊ လိုင်စင်မဲ့မော်တော်ယာဉ် ၁ စီးတို့နှင့်အတူ အသေပစ်ခတ် ဖမ်းဆီးရမိခဲ့သည်ဟု တပ်မတော်သတင်းမှန်ပြန်ကြားရေးအဖွဲ့က ထုတ်ပြန်ထားသည်။
