၁၂. ၆. ၂၀၂၄
Written by Nyein Kyaw
ရွှေတိဂုံစေတီတော်မြတ်ကြီးအား အများပြည်သူ စိတ်အေး ချမ်းသာစွာ ဖူးမြော်ကြည်ညိုနိုင်ရေး ဇွန်လ ၂၁ ရက်မှစတင်၍ လာရောက်ဖူးမြော်ခွင့်အချိန်ကို တိုးမြှင့်ဖွင့်လှစ်ပေးသွားမည်ဖြစ်ကြောင်း ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့က အသိပေးကြေညာထားသည်။
ရွှေတိဂုံစေတီတော်မြတ်ကြီးအား ဘုရားဖူးအများပြည်သူများ စိတ်အေးချမ်းသာစွာ ဖူးမြော်ကြည်ညိုနိုင်ရေး ၂၀၂၄ ခုနှစ် ဇွန်လ ၂၁ ရက်မှစတင်၍ နံနက် ၄ နာရီမှ ည ၁၀ နာရီအထိ အချိန်တိုးမြှင့်ဖွင့်လှစ်သွားမည်ဖြစ်သည်။
ကိုဗစ်ကာလတွင် လုံးဝပိတ်ထားခဲ့ရသော ရွှေတိဂုံစေတီတော်မြတ်ကြီးအား အများပြည်သူများ လာရောက်ဖူးမြော်ခွင့်ကို ရောဂါပျံ့ပွားမှုအားနည်းလာချိန်မှစ တဖြည်းဖြည်းအချိန်တိုးမြှင့်ပေးခဲ့ရာ လက်ရှိတွင် နံနက် ၅ နာရီမှ ည ၉ နာရီအထိ ဖွင့်လှစ်ပေးထားကြောင်း သိရသည်။
