၁၁. ၆.၂၀၂၄
Written by Hey Mar
ရန်ကုန်မြို့ကနေ ချောင်းသာမြို့ကို မောင်းနှင်လာတဲ့ ခရီးသည်တင်မှန်လုံယာဥ်ဟာ ပုသိမ်-ချောင်းသာကားလမ်း၊ မိုင်တိုင်အမှတ်(၁၅ မိုင် ၃ ဖာလုံ)အနီးရောက်ရှိစဥ် ဘရိတ်ပေါက်ကာ သစ်ပင်ကို ဝင်တိုက်မိပြီး ယာဥ်မောင်းအပါအဝင် ခရီးသည်နှစ်ဦးဒဏ်ရာရရှိခဲ့တဲ့ဖြစ်စဥ် ဒီနေ့ ဇွန်လ ၁၁ ရက် နေ့လယ် ၁ နာရီ မိနစ်၂၀ ခန့်က ဖြစ်ပွားခဲ့တယ်လို့ ဧရာဝတီတိုင်းဒေသကြီး မီးသတ်တပ်ဖွဲ့ထံကနေ သိရပါတယ်။
ဖြစ်စဥ်က ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နဲ့(၁၆)မိုင်ခန့်အကွာ၊ ရှောပြာကျေးရွာအုပ်စု၊ လှေလုံးတောင်ကျေးရွာအနီးမှာဖြစ်ပွားခဲ့ပြီး ယာဥ်မောင်း ဦးစိန်မင်းနိုင် (၄၉)နှစ်(ဘ)ဦးထွန်းတင် မောင်းနှင်ကာ ခရီးသည် (၃၀)ဦး တင်ဆောင်လာတဲ့ ထက်အောင်လင်း မှန်လုံယာဥ်ဟာ ဘရိတ်ပေါက်ပြီး သစ်ပင်ကို ဝင်ရောက်တိုက်မိကာ အဆိုပါမတော်တဆမှုကြောင့် ယာဥ်ပေါ်ပါ ယာဥ်မောင်းဖြစ်သူ ခြေကျင်းဝတ် ကျိုးထိခိုက်ဒဏ်ရာ ရရှိပြီး အသက် ၅၀ နှစ်အရွယ် အမျိုးသား နဖူး ဖူးယောင် မစိုးရိမ်ရ ဒဏ်ရာနဲ့ အသက် ၅၀ ဝန်းကျင် အမျိုးသမီးမှာ လက်အရိုးကျိုး ဒဏ်ရာတွေ ရရှိခဲ့တယ်လို့ သိရပါတယ်။
အခင်းဖြစ်နေရာကို မီးသတ်ဦးစီးအရာရှိဦးစီးပြီး သန္ဓေမီးသတ်တပ်ဖွဲ့ဝင်(၉)ဦး၊ အရန်(၁၀)ဦးတို့က မီးငြှိမ်းသတ်ယာဥ်(၁)စီးနဲ့ သွားရောက်လို့ ရှာဖွေကယ်ဆယ်ရေးလုပ်ငန်းများဆောင်ရွက်ခဲ့တယ်လို့ သိရပါတယ်။ ဖြစ်စဥ်မှာ ဒဏ်ရာရရှိသူ ၃ ဦးကို မုဒိတာအသင်း သူနာတင်ယာဥ်နဲ့ ပုသိမ်ပြည်သူ့ဆေးရုံကြီးဆီ တင်ပို့ခဲ့ကာ ယာဥ်မဆင်မခြင်မောင်းနှင်သူ ယာဥ်မောင်းကို ဆက်လက် အရေးယူနိုင်ရေး သက်ဆိုင်ရာတာဝန်ရှိသူတွေက ဆောင်ရွက်လျက်ရှိတယ်လို့ သိရပါတယ်။
