၃၁.၅.၂၀၂၄
Written by TZ
ပဲခူးတိုင်းဒေသကြီး၊ ဖြူးမြို့နယ်၊ ရေပြာကျေးရွာအထွက်လမ်းတွင် လယ်ထဲသို့သွားသည့် အမျိုးသားတစ်ဦး PDF များထောင်ထားသည့် မိုင်းအားနင်းမိ၍ ဒဏ်ရာရရှိခဲ့ကြောင်း သိရသည်။
ရေပြာကျေးရွာတွင်နေထိုင်သည့် ဦးမင်းဇော်ဦးမှာ မေလ ၂၉ ရက် နံနက်ခင်းအချိန်တွင် လယ်ထဲသို့သွားစဥ် ထိုကျေးရွာ ၏အထွက်လမ်း၌ PDF များထောင်ထားသည့် မိုင်းမှာပေါက်ကွဲ၍ ဘယ်ဘက်ခြေထောက်နှင့် ညာဘက်လက်တို့တွင် ဒဏ်ရာရရှိခဲ့ခြင်းဖြစ်သည်။
ထိုမိုင်းပေါက်ကွဲမှုကြောင့် ဒဏ်ရာအပြင်းအထန်ရရှိသည့် အသက် ( ၄၆) နှစ်အရွယ် ဦးမင်းဇော်ဦးမှာ လက်ရှိအချိန်တွင် ဖြူးမြို့ရှိပြည်သူ့ဆေးရုံ၌ ဆေးကုသမှူခံယူနေရကြောင်း သိရသည်။
ထို့ပြင် မေလ ၂၈ ရက်နံနက် ၉ နာရီကျော်တွင်လည်း မင်းလှမြို့၊ ကျွဲမကိုင်းကျေးရွာတွင် နေထိုင်သည့် ဦးဇော်ဝင်း၏နေအိမ်သို့ PDF များရောက်ရှိလာပြီး သေနတ်ဖြင့်ပစ်ခတ်သတ်ဖြတ်သည့် ဖြစ်စဥ်လည်းရှိခဲ့သည်။
