၂၆.၅.၂၀၂၄
Written by KL
ရန်ကုန်တိုင်းဒေသကြီး၊ ရန်ကင်းမြို့နယ်၊ (၁၃)ရပ်ကွက်၊ သစ္စာလမ်းတွင် မေလ ၂၅ ရက် ည ၁၀ နာရီ ၁၃ မိနစ်ခန့်က ၃ ခန်းတွဲ ၅ ထပ်တိုက်ရှိ ဘယ်ဘက်အခြမ်း ၅ လွှာ၌ TV ပါဝါကြိုးတပ်ထားသော ပလပ်ခုံအပူလွန်ကဲရာမှ မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
မီးလောင်မှုမှာ ၅ မိနစ်ခန့်သာ ကြာမြင့်ခဲ့ပြီး ၃၂ လက်မ TV တစ်လုံးနှင့် TV စင်တို့မီးလောင်ဆုံးရှုံးမှုကို မီးငြှိမ်းသတ်ယာဥ် ၁ စီး၊ ရေသယ်ယာဥ် ၁ စီး၊ မီးသတ်တပ်ဖွဲ့ဝင် ၁၇ ဦးဖြင့် ငြှိမ်းသတ်ခဲ့ကြောင်း သိရသည်။
မီးလောင်မှုကြောင့် အသက် ၃၆ နှစ်အရွယ်အမျိုးသမီးကို ရန်ကင်းမြို့မရဲစခန်းက ပုဒ်မ ၂၈၅ ဖြင့် အမှုဖွင့်ထားကြောင်း သိရသည်။
