၁၆. ၅. ၂၀၂၄
Written by TZ
TNLA ထိန်းချုပ်ရာဒေသဖြစ်တဲ့ နမ့်ဆန်မြို့နယ်၊ ကွမ်ဟယ်အုပ်စု၊ အုမ်းတက်ကျေးရွာမှာ မနေ့ကအရုဏ်တက်ချိန် မီးလောင်မှုဖြစ်ပွားလို့ ဆွံ့အနားမကြားသူ ပြည်သူတစ်ဦး မီးထဲပါသွားပြီး နေအိမ် (၃)အိမ်ပြာကျသွားခဲ့ပါတယ်။
ဖြစ်စဥ်က ယမန်နေ့ နံနက် ၅ နာရီဝန်းကျင်အချိန်မှာ ယာမယ်ကျော်ထွန်းရဲ့ နေအိမ်မှာ မီးအကြွင်းအကျန်ကတစ်ဆင့် မီးလောင်ကျွမ်းမှုဖြစ်ပွားခဲ့ပြီး ဘေးအိမ်နားကပ်ရပ်၂ အိမ်ပါ မီးကူးစက်လောင်ကျွမ်းသွားတာကြောင့် နေအိမ်အတွင်းအိပ်ပျော်နေတဲ့ အသက် (၂၀) ကျော်အရွယ် မိုင်းအောင် မီးအတွင်းပါသွားခဲ့တာပါ။
မီးလောင်သေဆုံးသွားတဲ့ မိုင်းအောင်က ဆွံ့အနားမကြားဝေဒနာသည်တစ်ဦးဖြစ်ပြီး မီးလောင်မှုဖြစ်ပွားချိန် ရုန်းမထွက်နိုင်တာကြောင့် မီးလောင်မှုအတွင်း သေဆုံးသွားခဲ့တာပါ။
မီးလောင်ကျွမ်းသွားတဲ့အိမ်က သွပ်ပျဥ်ထောင်နှစ်ထပ်အိမ်ဖြစ်ပြီး မီးအရှိန်များတာကြောင့် ဘေးအိမ်နှစ်အိိမ််ပါကူးစက်လောင်ကျွမ်းခဲ့သလို နေအိမ်အတွင်းပစ္စည်းအားလုံး မီးထဲပါသွားခဲ့ပါတယ်။
