ဓာတ်ပုံ - မေတ္တာပန်းခင်း
၇.၅.၂၀၂၄
Written by TZ
ရှမ်းပြည်နယ်(မြောက်ပိုင်း)၊ မူဆယ်မြို့၊ မိုးလုံလေလုံအားကစားကွင်းအနီးရှိ ကောင်းနောင်လမ်းအဆင်းတွင် သဲချသည့်ယာဥ်မှ ဘရိတ်ပေါက်၍ နောက်ပြန်လိမ့်ကျရာက နေအိမ်၏ခြံအရှေ့၌ ကစားနေသည့် အသက်(၃)နှစ်အရွယ် ကလေးငယ်တစ်ဦး ဦးခေါင်းအကြိတ်ခံရ၍ သေဆုံးသွားကြောင်း သိရသည်။
ဖြစ်စဥ်မှာ မေလ ၇ ရက် နံနက် ၁၀ နာရီအချိန်တွင် သဲတင်ယာဥ်မှာ ကောင်းနောင်လမ်းအနီးတွင် သဲချပြီး ပြန်တက်နေစဥ် ယာဥ်မှာဘရိတ်ပေါက်၍ နောက်ပြန်လိမ့်ကျရာ နေအိမ်ရှေ့ကွန်ကရစ်လမ်းပေါ် ကစားနေသည့် ကလေးငယ်ကို ထိုသဲကားမှကြိတ်မိခဲ့ကြောင်း သိရသည်။
“သဲချပြီး ပြန်တက်လာတဲ့အချိန် ဘရိတ်ပေါက်ပြီးတော့ နောက်ပြန်လိမ့်ကျတာ။ အဲဒီမှာ နေအိမ်ရှေ့မှာကစားနေတဲ့ကလေးကိုကြိတ်မိတာ။ အဲ့နေရာကို ရဲတွေတော့ရောက်လာတယ်။ ကားသမားကိုဖမ်းထားတယ်”ဟု မေတ္တာပန်းခင်းအသင်းမှ တာဝန်ရှိသူတစ်ဦးက MT News သို့ဖြေကြားသည်။
အဆိုပါ ကားကြိတ်ခံရမူကြောင့် သေဆုံးသည့် ကလေးငယ်၏မိဘများမှာ နေအိမ်တွင်မရှိဘဲ စျေးရောင်းထွက်နေကြောင်း သိရသည်။
ဓာတ်ပုံ – မေတ္တာပန်းခင်း
