၂၇.၄.၂၀၂၄
Written by KL
ပဲခူးမြို့၊ မဲခုန်ကျေးရွာအုပ်စုရှိ ဘားမဲ့ဘောလုံးကွင်းတွင် ဧပြီလ ၂၆ ရက် နံနက်ပိုင်းက ဒဏ်ရာများဖြင့် သေဆုံးနေသော အမျိုးသားတစ်ဦး၏ ရုပ်အလောင်းကို တွေ့ရှိခဲ့ကြောင်း ဒေသခံများထံမှ သိရသည်။
သေဆုံးသူမှာ အသက် ၄၅ နှစ်အရွယ်ခန့်ရှိပြီး ခန္ဓာကိုယ်အပေါ်ပိုင်းတွင် ဒဏ်ရာများရှိနေကာ လတ်တလောအထိပိုင်ရှင်မပေါ်သေးကြောင်း သိရသည်။
“ဘာကြောင့်သေဆုံးလဲဆိုတာတော့မသိရသေးဘူး။ ရဲတပ်ဖွဲ့ကတော့ စုံစမ်းစစ်ဆေးနေပါတယ်” ဟု ရဲတပ်ဖွဲ့နှင့် နီးစပ်သူတစ်ဦးက ပြောသည်။
ဒဏ်ရာများဖြင့် သေဆုံးနေသော အမျိုးသားကို ဒေသခံနာရေးကူညီမှုအသင်းက ပဲခူးမြို့ ပြည်သူ့ဆေးရုံရှိ ရင်ခွဲရုံသို့ ပို့ဆောင်ကူညီခဲ့ကြောင်း သိရသည်။
