၂၂. ၄. ၂၀၂၄
Written by Nay Moe
ရွာငံ-မန္တလေး အဝေးပြေးလမ်းမပေါ်က မြင်းကျဒိုး ရဲစခန်းကို ရွာငံ PDF က တိုက်ခိုက်ရာမှာ ရဲတပ်ဖွဲ့ဝင်သုံးဦး သေဆုံးဖွယ်ရှိပြီး တစ်ဦး အရှင်ဖမ်းမိတယ်လို့ Ywangan PDF (JPRF)က ထုတ်ပြန်ထားပါတယ်။
ဒီတိုက်ခိုက်မှုကို ဧပြီ ၂၁ ရက် မနက် ၁၀ နာရီခန့်က အလစ်ဝင်ရောက်ပစ်ခတ်တိုက်ခိုက်ခဲ့တာဖြစ်ပြီး ရဲတပ်သား (၃) ဦးထက်မနည်းသေဆုံးနိုင်ပြီး ဒုတပ်ကြပ်တစ်ဦးကိုပါ အရှင်ဖမ်းမိခဲ့တယ်လို့ ပုံနဲ့တကွ ထုတ်ပြန်ထားသလို ရုပ်သံမှာလည်း အလစ်အင်ိုက်မှာအကာအကွယ်ယူပြီး ချောင်းပစ်နေတဲ့ ရွာငံ PDF တွေရဲ့ ဆဲဆိုတိုက်ခိုက်မှု တွေ့ရပါတယ်။
အလစ်ဝင်ပစ်တဲ့ ဒီတိုက်ခိုက်မှုမှာ ရွာငံ PDFက တစ်ဦး ဒဏ်ရာ ရရှိခဲ့ပြီး မြင်းကျဒိုး ရဲစခန်းက ဖုန်းတစ်လုံး၊ AK-47 တစ်လက်၊ ကာဘိုင်တစ်လက်နဲ့ AK ကျည် ၃၀၀ တောင့်ကို လုယက်သိမ်းယူခဲ့တယ် ပြောပါတယ်။
ပုံစာ။ ဖမ်းဆီးခံရသောရဲဒုတပ်ကြပ်၊ လုယက်သိမ်းဆည်းခဲ့သော လက်နက်ခဲယမ်းများ။
