၁၇.၄.၂၀၂၄
Written By Thandar
ပရိသတ်ချစ်ခင်မှုများစွာ ရရှိထားတဲ့ မင်းသမီး ဖွေးဖွေးကတော့ ယနေ့ ဧပြီ ၁၇ ရက် မြန်မာနှစ်သစ် နှစ်ဆန်း တစ်ရက်မှာ ရှင်အပါး ၄၅ပါးအတွက် ဆန် ဆီ ဆေး ဆားနဲ့ နဝကမ္မ ကျပ် ၁၀၀၀၀ စီလောင်းလှူခဲ့တယ်လို့ သိရပါတယ်။
“မြန်မာ နှစ်ဆန်း ၁ ရက်နေ့မှစလို့ အကောင်းတွေလာ၊ မကောင်းတာတွေဖယ်၊ ကံကောင်းပါစေ၊ ချမ်းသာပါစေ၊
ကျန်းမာပါစေ၊ မေတ္တာရကြပါစေ။ ကျွန်မ ပူဆာလို့ အဆီထုတ် Delta Queen Yogurt တွေ ပို့ပေးတဲ့ ချစ်ညီမ နီ့ Ni Phyo Kyaing လည်း တူသော ကောင်းကျိုးရပါစေလို့ ” လို့ မင်းသမီး ဖွေးဖွေးက ပရိသတ်သိအောင် ပြောလာပါတယ်။
အဆိုပါ နှစ်ဆန်းတစ်ရက်နေ့မှာတော့ အိမ်ရှိဘုရားကိုတော့ ဆွမ်း ၊ ပန်း ၊ ဆီမီး စတာတွေ ဆပ်လှူပူဇော်ခဲ့ပါတယ်။ ကြွချီလာတဲ့ ရှင်အပါး ၄၅ ပါးအတွက် ဆန် ၊ ဆီ ၊ ဆေး ၊ ဆား ၊ ငါး သေတ္တာ ၄၅ Packages ၊ နဝကမ္မ ၁၀၀၀၀ ကျပ်စီလောင်းလှူခဲ့ပါတယ်။ ဒါ့အပြင် မိခင်ဖြစ်သူကို ရှိခိုးကန်တော့ပြီး မိသားစုဝင်တွေနဲ့ လုပ်ဖော်ကိုင်ဘက်တွေကို မုန့်ဖိုး ဝေမျှပေးခဲ့ကြပါတယ်။
