၁၁.၄.၂၀၂၄
Written by TZ
ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့၊ ပျဥ်ပုံအုပ်စု၊ သုံးခွကျေးရွာတွင် ဇနီးမောင်နှံနှစ်ဦးသတ်ဖြတ်ခံရပြီး ဇနီးဖြစ်သူကို သတ်ဖြတ် မီးရှို့သွားကြသလို ခင်ပွန်းဖြစ်သူကိုလည်း လည်လှီးသတ်ဖြတ်ခဲ့မှု ယနေ့ ဖြစ်ပွားခဲ့သည်ဟု ကူညီပေးခဲ့သည့် ပရဟိတအသင်းထံမှ သိရသည်။
“ဘာလို့သတ်ပြီး ဘယ်သူတွေသတ်သွားလဲတော့မသိဘူး။ နေအိမ်လည်းပြာကျ။ ပြီးတော့ အမျိုးသမီးတစ်ယောက်ကိုလည်း မီးရှို့သတ်ခံရတယ်။ အမျိုးသားတစ်ယောက်လည်း ဓားဒဏ်ရာတွေနဲ့ သတ်ခံရတယ်။ သတ်ခံရသူတို့ကလင်မယားတွေ” ဟု မြောင်းမြမြို့ရှိ ဒေသခံတစ်ဦးကဆိုသည်။
အဆိုပါ မီးရှိို့ပြီးသတ်ဖြတ်ခံရသည့် အမျိုးသမီးအလောင်းနှင့် ဓားဒဏ်ရာများဖြင့် သတ်ဖြတ်ခံရသည့် အမျိုးသားအလောင်းတို့ကို မြောင်းမြဆေးရုံရှိ ရင်ခွဲရုံသို့ ပို့ဆောင်ထားကြောင်း သိရသည်။
