၂၈. ၃. ၂၀၂၄
Written by TZ
မန္တလေးတိုင်းဒေသကြီး၊ မဟာအောင်မြေခရိုင်၊ ပြည်ကြီးတံခွန်မြို့နယ်၊ ၆၂ လမ်း၊ ၁၃၃ လမ်းတွင် ၁၂ ဘီးယာဥ်နှင့် မော်တော်ဆိုင်ကယ်တို့ အရှိန်လွန်၍ တိုက်မိရာက အမျိုးသမီးတစ်ဦး ဗိုက်ပွင့်၍ နှစ်ဦးဒဏ်ရာရရှိခဲ့ကြောင်း သိရသည်။
အဆိုပါယာဥ်တိုက်မှုဖြစ်စဥ်မှာ မတ်လ ၂၇ ရက် ည ၆ နာရီခန့်တွင် ဖြစ်ပွားခဲ့ကြောင်း သွားရောက်ကူညီခဲ့သည့် “လောကပါလ” လူမှုကူညီရေးအသင်းထံမှ သိရသည်။
“ဖြစ်တဲ့နေရာရောက်တော့ ကားရှေ့မှာ ဆိုင်ကယ်ကလဲနေတာ။ ခန့်မှန်းရသလောက်ကတော့ မျက်နှာချင်းဆိုင်တိုက်မိတာဖြစ်မယ်။ ဆိုင်ကယ်ပေါ်က သားအမိ ၃ ယောက်ဒဏ်ရာရတယ်။ အမျိုးသမီးသမီးက ဗိုက်ပွင့်တယ်” ဟု လောကပါလလူမှုကူညီရေးအသင်း၏ တာဝန်ရှိသူတစ်ဦးမှ MT New ၏မေးမြန်းချက်ကို ဖြေဆိုသည်။
ထို့ပြင် ယာဥ်တိုက်မူကြောင့် မော်တော်ဆိုင်ကယ်ပေါ်တွင် လိုက်ပါမောင်းနှင်သည့် အမျိုးသားနှင့် ကလေးဖြစ်သူတို့မှာ ဒဏ်ရာရရှိ၍ အမျိုးသမီးမှာ ဗိုက်ပွင့်ထွက်သောကြောင့် ထိုမိသားစု ၃ ဦးကို မန္တလေးပြည်သူ့ဆေးရုံကြီးသို့ ပို့ဆောင်ခဲ့ကြောင်း သိရသည်။
ဓာတ်ပုံ -လောကပါလ လူမှုကူညီရေးအသင်း
