၂၂. ၁၂. ၂၀၂၄
Written by Thettant
ထွန်းထွန်းမင်း၊ အဲမွီ၊ ရာမာန်၊ သွေးသစ်မောင်တို့လို မြန်မာ့ရိုးရာကျား ခမာမြေမှာ ဒူးထောက်ခဲ့ကြသလို MMA ပွဲစဥ်အဖြစ် မြန်မာဖိုက်တာ Naw Naw နဲ့ ကမ္ဘောဒီးယားဖိုက်တာ Sim Bunsrong တို့ ဒီနေ့ည ခမာမြေမှာ ထိုးသတ်ရာမှာလည်း နောနော်က ရှုံးသွားပြန်ပါတယ်။
“The Kachin Assassin” လို့ အမည်ရတဲ့ Naw Naw ဟာ ပြည်တွင်းမှာ လေ့ကျင့်ကစားနေသူဖြစ်သလို ရိုးရာလက်ဝှေ့ “Stand Fight” အခြေခံကောင်းတွေရှိထားသလို “Ground Fight” တွေမှာလည်း ကျွမ်းကျင်တဲ့ လူငယ်ကစားသမားပါ။ ဝိတ်တန်းက ၅၈ ကီလိုဖြစ်ပါတယ်။ သူနဲ့ယှဉ်ပြိုင်ကစားတဲ့သူက One Championship သံဇကာ ကစားသမားဟောင်း ကမ္ဘောဒီးယား နိုင်ငံသား Sim Bunsrong ပါ။
ဒီနေ့ပွဲမှာ Naw Naw က သမ္ဘာရင့်ဝါရင့် Sim Bunsrong ကို ၅ မိနစ် ၃ ချီပြည့် ထိုးသတ်နိုင်ခဲ့တာပါ။ ပထမအချီနဲ့ ဒုတိယအချီမှာ လက်ရည်တူယှဥ်ပြိုင်နိုင်ခဲ့ပေမဲ့ တတိယအချီမှာတော့ သက်လုံကုန် မျက်ခုံးကွဲသွားပြီး သွေးသံတရွှဲရွှဲနဲ့ နိမ့်သွားတာကြောင့်လည်း ရှုံးခဲ့တာပါ။
