၂၂.၃.၂၀၂၄
Written by KL
ရန်ကုန်တိုင်းဒေသကြီး၊ မရမ်းကုန်းမြို့နယ်၊ (၁) ရပ်ကွက်၊ ဘုရင့်နောင်ပွဲရုံဝင်း၊ ကံ့ကော်(၁) လမ်းသွယ်တွင် ယနေ့ မတ်လ ၂၂ ရက် နံနက် ၁၁ နာရီခန့်က မီးလောင်မှုဖြစ်ပွားခဲ့သည်။
ဖြစ်စဥ်မှာ Nissan I Zone အမျိုးအစား ၆ ဘီးအပြာရောင်ယာဥ်မှာ ကားစက်နှိုးထားစဥ် အင်ဂျင်ဂါဗနာတက်ရာမှ မီးစတင်လောင်ကျွမ်းခဲ့ခြင်းဖြစ်ကြောင်း စစ်ဆေးသူများ၏ အတည်ပြုချက်အရ သိရသည်။
မီးလောင်မှုကို မီးငြှိမ်းသတ်ယာဥ် ၄ စီး၊ ရေသယ်ယာဥ် ၁ စီး ၊ မီးသတ်တပ်ဖွဲ့ဝင် ၁၆ ဦးဖြင့် ငြှိမ်းသတ်ခဲ့ရာ ကားခေါင်းခန်းနှင့် လေကာမှန် မီးလောင်ဆုံးရှုံးခဲ့ပြီး ၉ မိနစ်အကြာတွင် မီးငြိမ်းခဲ့သည်။
မီးလောင်မှုကြောင့် ၆ ဘီးယာဥ်မောင်း အသက် ၃၅ နှစ်အရွယ် အမျိုးသားကို ပုဒ်မ ၂၈၅ ဖြင့် ဘုရင့်နောင်နယ်မြေရဲစခန်းက အမှုဖွင့်ထားကြောင်း သိရသည်။
