၁၇.၃.၂၀၂၄
Written by Thin Zar
စစ်ကိုင်းတိုင်းဒေသကြီး၊ ကသာခရိုင်၊ ပင်လည်ဘူးမြို့၊ ညောင်ပင်သာကျေးရွာအနီးတွင် PDF အလောင်း (၂) လောင်းနှင့်အတူ လက်နက်ခဲယမ်းများကို လုံခြုံရေးတပ်ဖွဲ့မှ သိမ်းဆည်းရမိကြောင်း သိရသည်။
မတ်လ ၁၆ ရက် နံနက် ၇ နာရီခွဲခန့်တွင် လုံခြုံရေးတပ်ဖွဲ့မှ ပင်လည်ဘူးမြို့ရှိ ကျေးရွာတစ်ချို့ကို နယ်မြေရှင်းလင်းရေးဆောင်ရွက်နေစဥ် ညောင်ပင်သာကျေးရွာအနီး၌ လုံခြုံရေးတပ်ဖွဲ့နှင့် PDF တို့ ထိတွေ့တိုက်မူရှိပြီး အပြန်အလှန်ပစ်ခတ်ခဲ့ကြောင်း သိရသည်။
ထိုသို့ ပစ်ခတ်ရာတွင် PDF အလောင်း (၂) လောင်း၊ အမ်-၂၂ သေနတ် ၁ လက်၊ အမ်-၂၂ ကျည်အိမ် ၃ ခုနှင့်အတူ အမ်-၂၂ ကျည် ၄၁ တောင့်တို့ သိမ်းဆည်းရရှိခဲ့ကြောင်း သိရသည်။
အလားတူ မတ်လ ၁ ရက်နေ့တွင်လည်း KIA/PDF အလောင်း ( ၁၅) လောင်းနှင့်အတူ လက်နက်နှင့်ဆက်စပ်ပစ္စည်းများကို လုံခြုံရေးတပ်ဖွဲ့မှ သိမ်းဆည်းရရှိခဲ့ကြောင်း သိရသည်။
