၁၃.၃.၂၀၂၄
Written by Thinzar
မကွေးတိုင်းဒေသကြီး၊ မကွေးခရိုင်၊ မကွေးမြို့၊ မယ်လှတောင်ရွာတွင် အမျိုးသားတစ်ဦး ထန်းပင်ပေါ်တက်ရာမှ ခြေချော်ပြီး ပြုတ်ကျသေဆုံးသွားကြောင်း သိရသည်။
ဖြစ်စဥ်တွင် မတ်လ ၁၃ ရက် နံနက် ၉ နာရီခွဲအချိန်ခန့်က အမျိုးသားတစ်ဦး ထန်းပင်ပေါ်တက်ရာမှ ပြုတ်ကျသေဆုံးကြောင်း ပရဟိတမင်းခေါင်ရှာဖွေကယ်ဆယ်ရေးအဖွဲ့ထံသို့ ပြည်သူများမှ ဖုန်းဆက်အကြောင်းကြားသောကြောင့် ဖြစ်စဥ်နေရာသို့ သွားရောက်ကူညီပေးခဲ့ကြောင်း သိရသည်။
“ထန်းပင်ပေါ်တက်ရင်းခြေချော်ပီး ပြုတ်ကျတယ်လို့ယူဆရတယ်”ဟု ပရဟိတမင်းခေါင်ရှာဖွေကယ်ဆယ်ရေးအဖွဲ့၏ တာဝန်ရှိသူတစ်ဦးက ဆိုသည်။
ထိုပြုတ်ကျသေဆုံးသည့် အမျိုးသား၏ရုပ်အလောင်းကို မကွေးတိုင်းပြည်သူ့ဆေးရုံကြီး ရင်ခွဲရုံသို့ ပို့ဆောင်ထားကြောင်း သိရသည်ါ
Photo -ပရဟိတမင်းခေါင်ရှာဖွေကယ်ဆယ်ရေးအဖွဲ့
