၁၀.၃.၂၀၂၄
Written By Thandar
ရွှေလက်တွဲကြမယ့် ချစ်သူတို့အတွက် Yangon Premium Wedding Expo စာနယ်ဇင်းမိတ်ဆက်ပွဲကို ယနေ့ မတ်လ ၁၀ ရက် နံနက်ပိုင်းက ရန်ကုန်မြို့ သာကေတမြို့နယ်ရှိ Fortune Plaza မှာ ကျင်းပခဲ့ရာ နာမည်ကြီးအနုပညာရှင်တွေဖြစ်တဲ့ သရုပ်ဆောင် ထွန်းကိုကို၊ မေဂရေ့စ်၊ Makeup Artist မာမီကျော် ၊ Makeup Artist ခင်စန်းဝင်းစတဲ့သူတွေတက်ရောက်ခဲ့ကြပါတယ်။
“ကျွန်မတို့အနေနဲ့ Yangon Premium Wedding Expo ကို အင်တာနေရှင်နယ် wedding expo ကြီးကျယ်ခမ်းနားစွာနဲ့ကျင်းပသွားမှာပါ။ ရွှေလက်တွဲကြမယ့် မင်္ဂလာမောင်နှံတွေက တစ်စုတစ်စည်းထဲနဲ့နယ်ပယ် ၁၈ခုက လာရောက်ခင်းကျင်းပပေးမှာပါ။ လိုအပ်တဲ့ ကဏ္ဍမျိုးစုံကို ပြခန်းပေါင်းများစွာနဲ့ ပြသပြီး အထူးစျေးနှုန်းတွေလည်းရှိမှာဖြစ်လို့ လာရောက်ကြဖို့ ဖိတ်ခေါ်ပါတယ် ” လို့ ပွဲစီစဥ်သူမခင်မဥ္ဇူရီ ကပြောတယ်။
အဆိုပါ အခမ်းအနားကို Wedding Expo ပွဲကြီးကိုတော့ လာမယ့် မတ်လ ၂၃ ရက်နဲ့ ၂၄ ရက်တို့မှာ Fortune Plaza မှာ နာမည်ကြီး အနုပညာရှင်တွေဖြစ်တဲ့ ထွန်းကိုကို၊ မေဂရေ့စ် ၊ Makeup Artist မာမီသက် ၊ Artist ခင်စန်းဝင်းတို့ အပါအဝင် မော်ဒယ်လ်အများအပြားက ဖျော်ဖြေရေးအစီအစဥ်အနေနဲ့အတူ မင်္ဂလာဝတ်စုံဖက်ရှင်ရှိုး Round အနေနဲ့ ၅ကြိမ်ရှိုးလျှောက် ပြသကြမှာဖြစ်ပါတယ်။
“ကျွန်တော့်အနေနဲ့ Show မလျှောက်တာလည်းကြာပြီ။ စင်ပေါ်မတက်တာလည်းကြာပြီဆိုတော့ ရင်ခုန်ပါတယ်။ အကောင်းဆုံး ပါဝင်သွားပါမယ်” လို့ သရုပ်ဆောင် ထွန်းကိုကိုက ပြောပါတယ်။
ဒီပွဲကြီးမှာတော့ Wedding Plabner ၊ ပန်းအလှဆင်၊ Hotel Ballroom ၊ Outdoors Space ၊ လက်ဝတ်ရတနာ၊ Photo Studio၊ မိတ်ကပ်ပညာရှင်တွေ ၊ မင်္ဂလာဝတ်စုံဒီဇိုင်နာတွေအပါအဝင် မင်္ဂလာပွဲတွေ ဝတ်စုံတွေ အစားအသောက်တွေကို လိုအပ်တဲ့ ကဏ္ဍမျိုးစုံကို ပြခန်းပေါင်းများစွာနဲ့ ခင်းကျင်းပြသမှာဖြစ်ပါတယ်။
