၆. ၃. ၂၀၂၄
Written by Thinzar
မန္တလေးတိုင်းဒေသကြီး၊ ရန်ကုန် – မန္တလေး လမ်းဟောင်းတွင် ဆီဘောက်ဆာ ယာဉ်တစ်စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရပါတယ်။
မတ်လ ၆ ရက် နံနက် ၆ နာရီ ၃၅ မိနစ်အချိန်တွင် ပျော်ဘွယ်မြို့၊ ယင်းတော်ကျေးရွာ၊ ရန်ကုန် – မန္တလေးလမ်းဟောင်းပေါ် ယာဉ်တစ်စီး မီးလောင်မှုဖြစ်ပွားကြောင်း သတင်းအရ ပျော်ဘွယ်မြို့နယ် မီးသတ်စခန်းမှ မီးသတ်ယာဉ်(၅)စီး၊ ယင်းတော်နယ်မြေမီးသတ်စခန်းမှ မီးသတ်ယာဉ်(၁)စီး၊ မိတ္ထီလာမြို့နယ်မီးသတ်စခန်းမှ မီးသတ်ယာ ဉ်(၄)စီးတို့ဖြင့် ထွက်ခွာငြှိမ်းသတ်ခဲ့ကြောင်း သိရပါတယ်။
“မီးလောင်တာတော်တော်ပြင်းတယ်။ ၁ နာရီထိ ငြှိမ်းသတ်လိုက်ရတယ်။ ဘာလို့လောင်သွားတယ်ဆိုတာ မသိဘူး။ ယာဥ်က ဆီဆိုင်ရှေ့မှာလောင်တာ။ ဆီဆိုင်ကို မီးမကူးတာတော်တော်ကံကောင်းတယ်”လို့ ပျော်ဘွယ်မြို့ ဒေသခံတစ်ဦးက ပြောပါတယ်။
ထိုမီးလောင်နေသည့် ဆီဘောက်ဆာကို မီးငြိမ်းသတ်ရာ နံနက် ၇ နာရီခွဲအချိန်တွင် မီးငြိမ်းသွားခဲ့ကြောင်း သိရပါတယ်။
Photo -credit
