MT News
၆. ၃. ၂၀၂၄
ရွှေပြည်သာမြို့နယ်ကနေ လှည်းတန်း၊ မိုးစန္ဒာလမ်းထဲက Arket ဂျပန်စာသင်တန်းကို မနက်စောစော သင်တန်းလာချိန်မှာ သူငယ်ချင်းဖြစ်သူကို ခေါင်းမူးတယ်လို့ နောက်ဆုံးဆက်သွယ်ပြီး ပျောက်ဆုံးနေတဲ့ အသက် ၂၀ အရွယ် အမျိုးသမီးငယ်ကို ကူညီရှာဖွေပေးဖို့ သင်တန်းကျောင်းကရော မိသားစုနဲ့ သူငယ်ချင်းတွေကပါ အကူအညီတောင်းခံလာပါတယ်။
Arket ဂျပန်စာသင်တန်းကျောင်းမှာ သင်တန်းတက်ရောက်နေတဲ့ အသက် ၂၀ အရွယ် သင်တန်းသူ မမြတ်နိုးစံဟာ မတ်လ ၅ ရက် မနက် ၈ နာရီခွဲဝန်းကျင်က သင်တန်းအလာမှာ သူငယ်ချင်းထံ “သင်တန်းကိုရောက်တော့မယ်”ပြောပြီး သင်တန်းပြီးချိန်ထိ ရောက်မလာဘဲ ဆက်သွယ်လို့ပါမရတော့ဘဲ ပျောက်ဆုံးနေတာပါ။
ညနေ ၃ နာရီခွဲဝန်းကျင်မှာ “ခေါင်းတွေအရမ်းမူးနေတယ်။ ဘယ်ရောက်လို့ရောက်နေမှန်းလည်းမသိဘူး။ ဖုန်းတိုင်တွေသိပ်မမိနေရာကို ရောက်နေတယ်”ဆိုပြီး သူငယ်ချင်းနဲ့ မိဘဖုန်းတွေဆီ စာပို့လာပေမဲ့ ပြန်လည်ဆက်သွယ်လို့မရတော့ဘဲ ပျောက်ဆုံးနေတယ်လို့ Arket သင်တန်းကျောင်းက ရေးသား ဖော်ပြထားပါတယ်။
မမြတ်နိုးစံကို တွေ့ရှိမယ်ဆို ဖုန်း 09-456553281 / 09-775919355 / 09-43031992 ကို ဆက်သွယ်ပေးဖို့ Arket Japanese & Education Center ကို ဆက်သွယ်ပေးဖို့ မေတ္တာရပ်ခံထားပါတယ်။ (Photo – Credit)
