၄.၃.၂၀၂၄
Written by Thinzar
မန္တလေးတိုင်းဒေသကြီး၊ မဟာအောင်မြေခရိုင်၊ ချမ်းမြသာစည်မြို့နယ်၊ (၄၈) လမ်း၊ မနော်ဟရီလမ်းရှိ “လိုတရ” စက်သုံးဆီဆိုင် ယနေ့ မီးလောင်ကျွမ်းရာ ထိုဆီဆိုင်တွင် ဆီဖြည့်နေသည့် အိမ်စီးမော်တော်ယာဥ်လည်း မီးလောင်ကျွမ်းခဲ့ကြောင်း သိရသည်။
ဖြစ်စဥ်တွင် မတ်လ ၄ ရက် ညနေ ၃ နာရီ ၅၈ မိနစ်ခန့် အချိန်တွင် ဆီဆိုင်မီးလောင်ကြောင်း သတင်းရရှိသောကြောင့် ဖြစ်စဥ်နေရာသို့ မီးသတ်တပ်ဖွဲ့နှင့် မြို့ခံ ပရဟိတအသင်းများမှ သွားရောက်မီးငြှိမ်းသတ်ရာ ညနေ ၄ နာရီ ၅ မိနစ်အချိန်တွင် မီးငြိမ်းသွားကြောင်း သိရသည်။
အဆိုပါ မီးလောင်မှုမှာ မည်သည့်ဖြစ်စဥ်ကြောင့် လောင်ကျွမ်းသည်ကို သိရှိရခြင်းမရှိသေးသလို ထိခိုက်မှုများကိုလည်း စုံစမ်းစစ်ဆေးဆဲသာဖြစ်ကြောင်း ဖြစ်စဥ်ကူညီခဲ့သည့် ပရဟိတအသင်းအချို့ထံမှသိရသည်။
