၂၈.၂.၂၀၂၄
Written by Hey Mar
မွန်ပြည်နယ်၊ ကျိုက်မရောမြို့၊ အောင်သုခရပ်ကွက်၊ ကျွန်းရွာသွားကားလမ်းဘေးရှိနေအိမ်မှာ ဖေဖော်ဝါရီလ ၂၈ ရက်နေ့ နံနက်ပိုင်းက ဓားဒဏ်ရာတွေနဲ့ အမျိုးသမီးနှစ်ဦး သေဆုံးနေတဲ့ဖြစ်စဥ် ဖြစ်ပွားခဲ့တယ်လို့ သက်ဆိုင်ရာမှ သိရပါတယ်။
သေဆုံးသူတွေက ဒေါ်ပါးပါးသီ(၅၉)နှစ်နဲ့ ဒေါ်လှလှဝင်း(၅၀)နှစ်တို့ဖြစ်ပြီး နေအိမ်အောက်ထပ်ဧည့်ခန်းမှာ ဓားဒဏ်ရာတွေနဲ့ သေဆုံးနေတာလို့ သိရပါတယ်။
သက်ဆိုင်ရာမှ အခင်းဖြစ်နေရာကိုရောက်ရှိကာ ရဲဆေးစာနဲ့အတူ ကျိုက်မရောပြည်သူဆေးရုံကြီးဆီ ဒေသခံလူမှုကူညီရေးအသင်းယာဉ်နဲ့ ပို့ဆောင်ပေးခဲ့ပြီး အမှုဖြစ်စဉ်နဲ့ ပြစ်မှုကျူးလွန်သူကို ဖမ်းဆီးရမိရေးအတွက်နယ်မြေခံရဲတပ်ဖွဲ့က စုံစမ်းစစ်ဆေးဆောင်ရွက်လျက်ရှိကြောင်း ကနဦးသတင်းတွေအရ သိရပါတယ်။
