MT News
Photo Nay Moe
ကမ္ဘာအေးဘုရားလမ်းနှင့် နတ်မောက်လမ်းထောင့် A Bank အနီးတွင် Toyota Vios ယာဥ်တစ်စီးတိမ်းမှောက်က ယာဥ်ကြောပိတ်ဆို့မှု ဖြစ်ပွားနေကြောင်း သိရသည်။
ဖြစ်စဥ်မှာ ဒီဇင်ဘာလ ၅ ရက် ညနေ ၅ နာရီခန့်က ဖြစ်ပွားခဲ့ခြင်းဖြစ်ပြီး တွေ့ရှိသူများ၏ ပြောကြားချက်အရ မီးပွိုင့်လွှတ်ချိန် အရှိန်ဖြင့် မောင်းနှင်လာသော အဆိုပါယာဥ်မှာ လမ်းလယ်ကျွန်းအား ဝင်တိုက်ကာ ပက်လက်လန်တိမ်းမှောက်သွားခဲ့ခြင်းဖြစ်သည်ဟု သိရသည်။
လက်ရှိတွင် ယာဥ်ထိန်းရဲများ ရောက်ရှိလမ်းရှင်းပေးနေပြီး ယာဥ်အား ဆွဲရန် ကရိန်းယာဥ်လည်း ရောက်ရှိနေသည်။ ယာဥ်တိမ်းမှောက်မှုဖြစ်စဥ်ကြောင့် ထိခိုက်ဒဏ်ရာရရှိသူ မရှိခဲ့ဟုလည်း သိရသည်။
