၂၃.၂.၂၀၂၄
Written By Thandar
သရုပ်ဆောင် မိုးညိုနဲ့ Tik Tok မှာ Follower စတုတ္ထအများဆုံး Cele Tnainghtoo တို့က Zin U Cho Trading Co., Ltd. ကြော်ငြာ စတင်ရိုက်ကူးရေးမှာ ပါဝင်ရိုက်ကူးမှုကို ယနေ့ ဖေဖော်ဝါရီ ၂၃ ရက် မွန်းလွဲပိုင်းက ရန်ကုန်မြို့ မြောက်ဒဂုံမြို့နယ်မှာ ပြုလုပ်ခဲ့ပါတယ်။
“ညီမအနေနဲ့ ဘဝမှာ ပထမဦးဆုံး မီဒီယာရှေ့ရောက်လာတဲ့ Zin U Cho ကြော်ငြာ ရိုက်ကူးရေးလေးလည်း ဖြစ်ပါတယ်။ ကိုမိုးညိုနဲ့ ရိုက်ကူးရေး လုပ်ရတာလည်း ပထမဦးဆုံး အတွေ့အကြုံဆိုပေမယ့် အဆင်ပြေပါတယ်။ ကိုမိုးညိုကလည်း သေသေချာချာ ညီမကို သင်ပြပေးတာလေးတွေလည်း ရှိပါတယ်။ အကြည့်တွေကအစ မုဒ်ကအဆုံးပေါ့။ ပီတိလည်းဖြစ်ရပါတယ်။ ညီမလို ဆရာဝန်တစ်ယောက်၊ Game Steamer တစ်ယောက်က ခုလို လမ်းကြောင်းပေါ် ရောက်လာလို့လည်း ပျော်ရပါတယ်။ ပထမဦးဆုံး ပရိသတ်ရှေ့ကိုရောက်လာတာမို့ ရင်ခုန်ပါတယ်။ ကြော်ငြာရိုက်ကူးဖို့ ကမ်းလှမ်းပေးတဲ့ Zin U Cho ကုမ္ပဏီကိုလည်း ကျေးဇူးတင်ပါတယ် ”လို့ Cele Tnainghtoo က MT Entertainment ကို ပြောပါတယ်။
Cele Tnainghtoo က ဆရာဝန်တစ်ဦးဖြစ်ပြီးတော့ Mobile Legends streamer အနေနဲ့ ရပ်တည်နေတာလည်း ဖြစ်ပြီး Followers 5.9M, Like84.6 M ရရှိထားသူလည်းဖြစ်ပါတယ်။
