၂၀. ၂. ၂၀၂၄
Written by Naing Thuta
ချောင်းဆုံမြို့နယ်၊ မုဒွန်းရွာတွင် မိနစ် ၄၀ ခန့်ကြာသည့် မီးလောင်မှုတစ်ခုဖြစ်ပွားခဲ့ပြီး နေအိမ် ၁၆ လုံး မီးထဲပါသွားကြောင်း မြန်မာနိုင်ငံ မီးသတ်တပ်ဖွဲ့မှ သိရသည်။
ဖြစ်စဉ်မှာ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်၊ မုဒွန်းရွာတွင် ယနေ့(ဖေဖော်ဝါရီ ၂၀ ရက်)မွန်းလွဲ ၂ နာရီ မိနစ် ၅၀ ခန့်တွင် မီးလောင်မှုတစ်ခုဖြစ်ပွားခဲ့သည့်အတွက် မော်လမြိုင်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များနှင့် အရန်မီးသတ်တပ်ဖွဲ့များက Level 1 အုပ်စုမီးသတ်ယာဉ်များဖြင့် ထွက်ခွာငြှိမ်းသတ်ခဲ့ရာ မွန်းလွဲ ၃ နာရီ ၃၀ မိနစ်တွင် မီးငြိမ်းသွားကြောင်း သိရသည်။
အဆိုပါ မီးလောင်မှုကြောင့် နေအိမ် ၁၆ လုံးခန့် မီးလောင်ဆုံးရှူံးသွားသည်ဟု သိရှိရပြီး မီးလောင်မှု ဖြစ်စဉ်ဖြစ်ပွားရာနေရာသို့ ပြည်နယ်အစိုးရအဖွဲ့ဝန်ကြီးချုပ်နှင့် တာဝန်ရှိသူများသွားရောက်ကာ စစ်ဆေးခဲ့ကြကြောင်း သိရသည်။
ထိုမီးလောင်မှုကြောင့် ဆုံးရှုံးသွားသည့် အဆောက်အဦများ၏ တန်ဖိုးကို တွက်ချက်နေဆဲဖြစ်ပြီး ပြည်နယ်အစိုးရအဖွဲ့က ကူညီမှုများ လုပ်ဆောင်ပေးသွားရန်ရှိကြောင်း ပြည်နယ်အစိုးရအဖွဲ့မှ တာဝန်ရှိသူတစ်ဦး ပြောပြချက်အရ သိရသည်။
