၁၃. ၂. ၂၀၂၄
Translated by Thettant
အိန္ဒိယ-မြန်မာနယ်စပ် မီဇိုရမ်ပြည်နယ် ရှာဟာခရိုင်မှာ အာသံရိုင်ဖယ်တပ်ဖွဲ့ဟာ ချင်းလူမျိုးတစ်ဦးထံက Walkie Talkie စကားပြောစက်အလုံး ၁၀၀ ဖမ်းဆီးရမိခဲ့တယ်လို့ သိရပါတယ်။
မြန်မာဘက်ကို ပို့ဆောင်မဲ့ ဒီ Walkie Talkie စကားပြောစက် အလုံး ၁၀၀ သယ်ဆောင်လာသူကို ရှာဟာခရိုင်၊ ရှာဟတ်လန်ကွန် လမ်းဆုံမှာ အာသံရိုင်ဖယ်တပ်ဖွဲ့က ဖေဖော်ဝါရီ ၁၀ ရက်မှာ ရှောင်တခင် စစ်ဆေးရှာဖွေနေချိန် ကားတစ်စီးပေါ်ကနေ ဖမ်းဆီးရမိခဲ့တာလည်း ဖြစ်ပါတယ်။
ဖမ်းဆီးရမိတဲ့ ပစ္စည်းတွေက အင်တာနာပါဝင်တဲ့ UV-10R Walkie Talkie စကားပြောစက်အလုံး ၁၀၀ နဲ့ သူ့ဘက်ထရီ၊ အားသွင်းကြိုး အလုံး ၁၀၀ စီဖြစ်ပြီး တန်ဖိုးအားဖြင့် ရူပီးငွေ ၂ သိန်းခန့်ရှိတယ်လို့ သိရပါတယ်။
ဒီစက်ပစ္စည်းတွေ သယ်လာသူက ချင်းပြည်နယ် ဟားခါးမြို့၊ ဒင်လောပါရွာမှာ နေထိုင်တဲ့ အသက် ၃၈ နှစ်အရွယ် Chung Tu ဆိုသူဖြစ်ပြီး လက်ရှိမှာတော့ ဖမ်းမိတရားခံကို ရဲတပ်ဖွဲ့ထံ လွှဲပြောင်းခဲ့သလို သူဟာ လက်နက်ပွဲစားလား၊ PDF လားဆိုတာကိုတော့ အိန္ဒိယက အာဏာပိုင်တွေ ဆက်လက်စစ်ဆေးနေပါတယ်။
Ref, Neindia Broadcast & India Today & Bengvarna
