၁၂. ၂. ၂၀၂၄
Written by Hey Mar
Ford ကားတစ်စီး ကုန်းအဆင်းမှာ အရှိန်လွန်ကာ ဓာတ်တိုင်နဲ့ အုတ်တံတိုင်းကို ဝင်တိုက်ခဲ့တဲ့ဖြစ်စဥ် ဒီနေ့ ဖေဖော်ဝါရီ ၁၂ ရက်နေ့ မနက်အစောပိုင်းက ရန်ကုန်မြို့၊ ဗဟန်းမြို့နယ်၊ ရွှေဂုံတိုင်မှာ ဖြစ်ပွားခဲ့တယ်လို့ ရှင်သန်ရေး လူမှုကူညီရေးအသင်းထံကနေ သိရပါတယ်။
ဖြစ်စဥ်က ဒီနေ့မနက် ၁ နာရီ ၂၅ မိနစ်ခန့်က ဗဟန်းမြို့နယ်၊ ရွှေဂုံတိုင်၊ နှင်းဆီကုန်းဘိုးဘွားရိပ်သာကုန်းအဆင်းမှာ Ford ကားတစ်စီးအရှိန်လွန်ကာ ဓာတ်တိုင်ကို ဝင်တိုက်မိပြီး တစ်ဆက်တည်း ရတနာဗိမ္မာန်ကျောင်းတိုက်ရဲ့ အုတ်တံတိုင်းကို ဝင်တိုက်ခဲ့တာလို့ သိရပါတယ်။
အဆိုပါဖြစ်စဥ်မှာ ရှင်သန်ရေးကူညီမှုအသင်းက ရှာ/ကယ်ယာဥ်+လူနာတင်ယာဥ်တွေနဲ့ သွားရောက်ကူညီပေးခဲ့ပြီး လူထိခိုက်မှုမရှိပေမယ့် ဓာတ်တိုင်နှစ်တိုင် ကျိုးပဲ့ပျက်စီးခဲ့တယ်လို့ သိရပါတယ်။
ဓာတ်ပုံ – ရှင်သန်ရေးကူညီမှုအသင်း
