၁. ၂. ၂၀၂၄
Writer & Photo Nyein Kyaw
Silent Strike ပြုလုပ်မည်ဟု NUG နှင့် PDF များ ကြေညာထားသဖြင့် သွားလာလှုပ်ရှားမှုနည်းပါးသော်လည်း ရန်ကုန်မြို့လယ်တွင် အများပြည်သူများ ပုံမှန်သွားလာလျှက်ရှိသလို မိမိလုပ်ရမည့် နိစ္စဓူဝလုပ်ငန်းများကိုလည်း ပုံမှန်အတိုင်း ဆောင် ရွက်လျှက်ရှိသည်ကို တွေ့ရှိသည်။
ရန်ကုန်မြို့ပေါ်တွင် YBS ယာဉ်လိုင်းများကလွဲ၍ အခြားယာဉ်များသွားလာမှုမရှိဟု အချို့မီဒီယာများတွင် ဖော်ပြနေသကဲ့သို့ မဟုတ်ဘဲ ရွှေအရောင်းဆိုင်များတွင် လူများကြိတ်ကြိတ်တိုး ဝယ်ယူနေသလို အဆိုပါမြင်ကွင်းများကိုပင် ရွှေဆိုင်များက ဓာတ်ပုံမရိုက်ရန် မေတ္တာရပ်ခံ တားမြစ်မှုများအထိ ရှိခဲ့ခြင်းဖြစ်သည်။
အထူးသဖြင့် လူကုံထံအများစု နေထိုင်သည့် ရန်ကုန်မြို့လယ်တွင် နေ့စဉ်ပုံမှန်ဆောင်ရွက်နေရသည့် စီးပွားရေး၊ လူမှုရေးကိစ္စများကို ပုံမှန်အတိုင်း ဆောင်ရွက်နေခြင်းဖြစ်ပြီး ဈေးဝယ်စင်တာများတွင်လည်း ပုံမှန်အတိုင်း သွားလာလှုပ်ရှားနေကြခြင်းဖြစ်သည်။
ရန်ကုန်မြို့လယ်ရှိ သိမ်ကြီးဈေး၊ ဗိုလ်ချုပ်ဈေး၊ အခြားသော လမ်းဘေးဈေးသည်များသည်ပင် မိမိလုပ်ငန်းများကို ပုံမှန်အတိုင်း ဆောင်ရွက်နေသလို အများပြည်သူအနေဖြင့်လည်း ၎င်းတို့နိစ္စဓူဝ ပုံမှန်လူနေမှုပုံစံများအတိုင်း နေထိုင်သွားလာနေကြခြင်းဖြစ်သည်။
