၂၆. ၁. ၂၀၂၄
Written by KL
ဧရာဝတီတိုင်းဒေသကြီး၊ ကွင်းကောက်မြို့၊ အောင်တေဇလမ်းတွင် ဇန်နဝါရီ ၂၅ရက် နံနက်ပိုင်းက အမျိုးသမီးတစ်ဦး မီးပူတိုက်ရာမှ ဓာတ်လိုက်၍သေဆုံးခဲ့ကြောင်း သိရသည်။
ဖြစ်စဥ်မှာ အသက် ၅၉ နှစ်အရွယ် အထက်တန်းပြဆရာမဖြစ်သူ အမျိုးသမီးကြီးက အဝတ်အထည်များကို လျှပ်စစ်မီးပူဖြင့် မီးပူတိုက်နေစဥ် လျှပ်စစ်ကြိုးမှ ရှော့ခ်ဖြစ်ကာ ဓာတ်လိုက်၍ သေဆုံးခဲ့ခြင်းဖြစ်ကြောင်း သိရသည်။
သေဆုံးသူ၏ ရုပ်အလောင်းကို ကွင်းကောက်မြို့ပြည်သူ့ဆေးရုံသို့ ပို့အပ်ထားပြီး ရဲတပ်ဖွဲ့က သေမှုသေခင်းဖွင့်ကာ စစ်ဆေးလျက်ရှိကြောင်း ကနဦးသတင်းများအရ သိရသည်။
