၂၄. ၁. ၂၀၂၄
Written by KL
ပဲခူးတိုင်းဒေသကြီး၊ ပဲခူးမြို့နယ်၊ မဲခုန်ကျေးရွာအုပ်စု၊ မြသီတာကျေးရွာ၊ ဆင်ဖြူကွင်းလမ်းဟောင်းတွင် ယနေ့ (ဇန်နဝါရီ ၂၄ ရက်) နံနက် ၁ နာရီ ၃၈ မိနစ်က ရော်ဘာပေါင်းခံစက်ရုံ မီးလောင်မှုဖြစ်ပွားခဲ့ကြောင်း မြန်မာနိုင်ငံ မီးသတ်ဦးစီးဌာနထံမှ သိရသည်။
ရော်ဘာပေါင်းခံစက်ရုံ မီးလောင်မှုမှာ ရော်ဘာများကို ပေါင်းခံရာမှ အပူလွန်ကဲကာ မီးကူးစက်လောင်ကျွမ်းမှုဖြစ်ပွားခဲ့ခြင်းဖြစ်ကြောင်း သိရသည်။
မီးလောင်မှုကြောင့် အလျား ပေ ၄၀၊ အနံ ၁၀ ပေ၊ အမြင့် ၁၅ ပေရှိ အုတ်ကာ၊ သစ်သားခင်း၊ သွပ်မိုး ရော်ဘာပေါင်းခံရုံနှင့် ရော်ဘာအပြား ၃၀၀၀ ခန့် မီးလောင်ကျွမ်းခဲ့ကြောင်း သိရသည်။
အဆိုပါ မီးလောင်မှုမှာ ၁ နာရီနီးပါးကြာမြင့်ခဲ့ပြီး မီးငြှိမ်းသတ်ယာဥ် ၆ စီးနှင့် မီးသတ်သမားများက ဝိုင်းဝန်းငြှိမ်းသတ်ခဲ့ကြောင်း သိရသည်။
