၂၄. ၁. ၂၀၂၄
Written By Thandar
Rapper အဆိုတော်မလေး ပြုံးမြသွယ်ရဲ့ ကိုယ့်သဘောကျတဲ့ကောင်လေးကို စိတ်ကူးနဲ့ပုံဖော်ထားတဲ့ “A Chit Yuu” သီချင်းသစ်ကို မကြာခင် ပရိသတ်လက်ထဲထည့်ပေးမယ်လို့ ရင်ဖွင့်လာပါတယ်။
“အချစ်ရူးဆိုတဲ့ ခေါင်းစဉ်လေးက သီချင်းစာသားထဲမှာပါလို့ ပေးဖြစ်တာပါ။ ခံစားချက်ကတော့ စိတ်ကူးယဉ်ပါလို့။ ကိုယ်သဘောကျတဲ့သူတစ်ယောက်ကို စိတ်ကူးပြီးရေးထားတာပါ ။ညီမရဲ့ ဆိုနေကျမဟုတ်ဘဲနဲ့ R&B လို ပုံစံလေး ဖန်တီးထားပါတယ်။ ဒီသီချင်းလေးကို မကြာခင်ထွက်ရှိလာဖို့ ပြင်ဆင်နေပါပြီ။ ဒီသီချင်းလေးကို နားထောင်လိုက်လို့ သဘောကျတယ်။ သူတို့နဲ့ တိုက်ဆိုင်တယ်ဆိုရင်ပဲ ကျေနပ်ပါပြီ။ ပရိသတ်ဆီကတော့ အများကြီးတော့ မမျှော်လင့်ထားပါဘူးရှင့် “လို့ တေးသံရှင် ပြုံးမြသွယ်က MT News ကို ပြောပါတယ်။
သူမ ကိုယ်တိုင်ရေးသားထားတဲ့ အဆိုပါ တေးသီချင်းက ဆိုနေကျမဟုတ်တဲ့ R&B သီချင်း အမျိုးအစားဖြစ်ပြီး Lyrics video အနေနဲ့ လာမယ့် ဖေဖော်ဝါရီလမှာ ထွက်ရှိသွားမယ်လို့ ဆိုပါတယ်။
ပြုံးမြသွယ်က ကိုယ်တိုင်ရေး Single Song လေးတွေဖြစ်တဲ့ My Boo ၊ 18 ၊ မလိုချင်တော့ပါဘူး ၊ Waiting ၊ You ၊ Me Myself & I ၊ Vroom Vroom စတဲ့သီချင်း ၁၀ ပုဒ်ကျော်ထွက်ရှိထားသူလည်း ဖြစ်ပါတယ်။ လက်ရှိမှာတော့ အမေရိကန်နိုင်ငံမှာ Berklee College of Music တက္ကသိုလ် မှာ ဒုတိယနှစ်တက်နေတာလည်း ဖြစ်ပါတယ်။ သူမကတော့ တေးသီချင်းလေးတွေကို ကိုယ်ကြိုက်နှစ်သက်တဲ့ Music ပုံစံအတိုင်း ထွက်ရှိထားသူလည်းဖြစ်ပါတယ်။
