၂၀.၁.၂၀၂၄
Written by KL
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ တာလေမြို့၊ ကျိုင်းတုံ-တာချီလိတ် ပြည်ထောင်စုလမ်းမကြီးပေါ်ရှိ တာလေခုံးတံတား အက်ကြောင်းဖြစ်ပေါ်ခဲ့သဖြင့် ယင်းတံတားပေါ်မှ ယာယီသံဘေလီတံတား တည် ဆောက်ခဲ့ရာ ယခုအအခါ ပြီးစီးပြီဖြစ်၍ ၂၃ တန်အောက်ယာဥ်များကို ယနေ့(ဇန်နဝါရီ ၂၀ရက်)မှစ၍ ဖြတ်သန်းသွားလာခွင့်ပြုထားကြောင်း သိရသည်။
တာလေကျောက်စီခုံးတံတားမှာ ဇန်နဝါရီ ၁၈ ရက် နံနက်ပိုင်းက ကျိုင်းတုံဘက်ခြမ်း၊ ကျောက်စီကုန်းကမ်းကပ်ခုံ အနီး အမှတ် (၁) အောက်ခြေတွင် အက်ကြောင်း ဖြစ်ပေါ်ခဲ့သဖြင့် ကုန်တင်ယာဥ်များ ဖြတ်သန်းသွားလာခွင့် ခေတ္တပိတ်ထားပြီး အိမ်စီးကား၊ဆိုင်ကယ်များနှင့် လူများကိုသာ ဖြတ်သန်းသွားလာခွင့် ပြုထားခဲ့ခြင်း ဖြစ်သည်။
ယင်းနောက် ရှမ်းပြည်နယ် တံတားအထူးအဖွဲ့ (၁၂)က အရှည် ပေ ၉၀၊ အကျယ် ၁၂ ပေခွဲရှိ ယာယီသံဘေလီတံတားကို တည်ဆောက်ခဲ့ပြီးနောက် ယခုအခါ ၂၃ တန်အောက်ယာဥ်များကို ဖြတ်သန်းသွားလာခွင့်ပြုထားခြင်းဖြစ်သည်။
