မြောက်ကိုရီးယားဟက်ကာများနှင့် ပြစ်မှုကျူးလွန်ထားသူများက အရှေ့တောင်အာရှတွင် ငွေကြေးခဝါချမှုကွန် ရက်များ မျှဝေတည်ဆောက်လာဟု ကုလသမဂ္ဂ ပြော

၁၆. ၁. ၂၀၂၄
Translated by Htwe Ko Tun

အရှေ့တောင်အာရှအတွင်း ငွေကြေးခဝါချမှုနှင့် လျှို့ဝှက်ဘဏ်လုပ်ငန်းကွန်ရက်များကို မြောက်ကိုရီးယားဟက်ကာများက လိမ်လည်မှုပြုလုပ်သူများ၊ မူးယစ်ဆေးဝါး တရားမဝင်ကူးသန်းရောင်းဝယ်သူများနှင့်အတူ တည်ဆောက်လုပ်ဆောင်လာကြကြောင်း ကုလသမဂ္ဂ မူးယစ်ဆေးဝါးနှင့် ရာဇဝတ်မှုရုံး (UNODC) က ဇန်နဝါရီ ၁၅ ရက်တွင် ကြေညာချက်ထုတ်ခဲ့သည်။

ထို ကြေညာချက်တွင် ကာစီနိုလုပ်ငန်းများနှင့် ဒစ်ဂျစ်တယ်ငွေကြေးလဲလှယ်မှုတို့ကို ရာဇဝတ်ဂိုဏ်းများကပြုလုပ်လာကြကြောင်းလည်း ပြောကြားခဲ့သည်။

UNODC က မြောက်ကိုရီးယားနိုင်ငံ၏ Lazarus အုပ်စုအပါအဝင် ဟက်ကာများက မြန်မာ၊ ထိုင်း၊ လာအိုနှင့် ကမ္ဘောဒီးယားတို့ပါဝင်သော မဲခေါင်ဒေသအတွင်း ထိုကဲ့သို တရားမဝင်လုပ်ငန်းများကို ပြုလုပ်လာကြသည်ကိုတွေ့လာရကြောင်း ပြောခဲ့သည်။ UNODC အနေနှင့် စီးပွားရေးလုပ်ငန်းများ၏ သတင်းအချက်အလက်ကွန်ရက်များနှင့် ပြစ်မှုဖြစ်ပွားမှု သတင်းအချက်အလက်များကို သုံးသပ်လျက် ခွဲခြားသတ်မှတ်ခဲ့သည်ဟုလည်းပြောခဲ့သည်။

UNODC ၏သတင်းနှင့်ပတ်သက်၍ ဂျီနီဗာတွင်တာဝန်ထမ်းဆောင်နေသော မြောက်ကိုရီးယားအဖွဲ့မှ အမည်မဖော်လိုသူတစ်ဦးကမူ ၎င်းအနေဖြင့် ထိုကိစ္စကို ရင်းနှီးကြားဖူးခြင်းမရှိကြောင်း၊ Lazarus အုပ်စုနှင့် ပတ်သက်၍ သတင်းများကလည်း ခန့်မှန်းချက်များနှင့် သတင်းမှားများသာဖြစ်ကြောင်း ပြောခဲ့သည်။

မြောက်ကိုရီးယား၏ ထောက်လှမ်းရေးအခြေခံဗျူရိုကိုထိန်းချုပ်ထားသည်ဟု အမေရိကန်က ပြောခဲ့သော Lazarus အုပ်စုက အွန်လိုင်းရာဇဝတ်မှုများနှင့် အွန်လိုင်းမှအချက်အလက်ခိုးယူမှုများတွင် ပတ်သက်နေသည်ဟု စွပ်စွဲခံထားရသည်။ မြောက်ကိုရီးယားဟက်ကာများက ခိုးယူသော ရံပုံငွေများက မြောက်ကိုရီးယားအစိုးရနှင့် ၎င်း၏လက်နက်အစီအစဉ်များအတွက် အထောက်အပံ့ငွေကြေးများဖြစ်လိမ့်မည်ဟု ကြေညာချက်ကဆိုသည်။

ထို့ပြင် UNODC ၏ကြေညာချက်က အရှေ့တောင်အာရှဒေသအတွင်း ငွေကြေးချမ်းသာသူအများစု လောင်းကစားကြရာ ကာစီနိုရုံများနှင့် junkets ခေါ် လောင်းက စားရုံများတွင် စည်းကမ်းလိုက်နာမှုမရှိသော ဒစ်ဂျစ်တယ်ငွေကြေးလဲလှယ်မှုများလည်းပြည့်နက်နေကာ ဒေသအတွင်း ရာဇဝတ်မှုများ စုစည်းအသုံးချရာ နေရာများလည်းဖြစ်နေကြသည်။

Ref- Reuters