၃၁.၁၂.၂၀၂၃
Written by KL
မွန်ပြည်နယ်၊ မုဒုံမြို့နယ်၊ မော်လမြိုင်-သံဖြူဇရပ်လမ်း ကန်ကြီးရွှင်ပျော်ပျော် (စားသောက်ဆိုင်)ရှေ့တွင် ယနေ့ (ဒီဇင်ဘာ ၃၁ရက်) နံနက် ၅နာရီကျော်က လမ်းလျှောက်လာသော အမျိုးသားကြီးကို မော်တော်ယာဥ်တစ်စီး ဝင်တိုက်ရာမှ ဒဏ်ရာများပြင်းထန်စွာရရှိကာ သေဆုံးသွားကြောင်း ဒေသခံ ကယ်ဆယ်ရေးအဖွဲ့ထံမှ သိရသည်။
ယာဥ်တိုက်ခံရသော အသက် ၆၁ နှစ်အရွယ် အမျိုးသားကြီးမှာ ဦးခေါင်းနောက်စေ့ကွဲ၊ ညာဘက်ဂျိုစောင်းဖူးယောင်၊ ဦးခေါင်းတွင်းဒဏ်ရာများရရှိခဲ့ကြောင်း မြန်မာ့လူငယ်အရေးပေါ်ကယ်ဆယ်ရေးအဖွဲ့ထံမှ သိရသည်။
ဒဏ်ရာရရှိသူကို သွေးလွန်သွေးလန့်မှုမဖြစ်စေရန်အတွက် ရှေးဦးသူနာပြုနည်းစနစ်ဖြင့် ပြုစုပေးပြီး မော်လမြိုင်ပြည်သူ့ဆေးရုံကြီးသို့ ပို့ဆောင်စဥ် သေဆုံးသွားခဲ့ကြောင်း သိရသည်။
