၂၂. ၁၂. ၂၀၂၃
Written by KL
ကချင်ပြည်နယ်၊ ပူတာအိုမြို့နယ်၊ လုံးစွတ်ရပ်ကွက်တွင် သားအဖချင်း စကားများ ရန်ဖြစ်ရာမှ ဓာတ်ဆီလောင်း မီးရှို့သဖြင့် သားအဖနှစ်ဦး သေဆုံးခဲ့ကြောင်း သိရှိရသည်။
ဖြစ်စဥ်မှာ ဒီဇင်ဘာ ၁၈ ရက်က အသက် ၆၅ နှစ်အရွယ် ဖခင် ဦးအောင်ဝင်းနှင့် အသက် ၃၂ နှစ်အရွယ် ကိုအောင်ချမ်းမြေ့ဝင်းတို့က အခန်းတံခါးပိတ်ထားကာ စကားများရန်ဖြစ်ကြရာမှ အချင်းချင်းဓာတ်ဆီလောင်း မီးရှို့ခဲ့ကြ၍ ဒဏ်ရာပြင်းထန်စွာရရှိသဖြင့် ဆေးရုံသို့ပို့ဆောင်ခဲ့သော်လည်း သေဆုံးခဲ့ခြင်းဖြစ်ကြောင်း သိရသည်။
သေဆုံးသူသားအဖနှစ်ဦးမှာ မြစ်ကြီးနားမြို့တွင် နေထိုင်သူများဖြစ်ကြပြီး ပူတာအိုမြို့နယ်တွင် အလုပ် လာရောက်လုပ်ကိုင်သူများဖြစ်ကြောင်း သိရသည်။
သေဆုံးသူနှစ်ဦး၏ ရုပ်အလောင်းကို ဒီဇင်ဘာ ၂၀ ရက် ညနေပိုင်းက မီးသင်္ဂြိုဟ်ပေးခဲဲ့ကြောင်း ကူညီပေးခဲ့သည့် ခမ်းတီလုန်ပရဟိတအသင်းထံမှ သိရသည်။
