၃.၁၂.၂၀၂၃
Written By Thandar
ဝါရင့် ရုပ်ရှင်ဒါရိုက်တာ မောင်မောင်မြင့်လွင်(ဓာတ်ပုံ)ဟာ အသက် ၅၆ နှစ်အရွယ် ဒီနေ့ မနက် ၇ နာရီကျော်မှာ ကျောက် ကပ်ရောဂါနဲ့ ရန်ကုန်မြို့ ဘားလမ်းဆေးရုံမှာ ကွယ်လွန်ခဲ့တယ်လို့ ဇနီးဖြစ်သူမဖြူဖြူက ပြောပါတယ်။
“ကျောက်ကပ်ကြောင့် ဘားလမ်းဆေးရုံတင်ထားတာ ၆ ရက်မြောက်နေ့မှာ ဆုံးသွားတာပါ။ အစ္စလာမ်ဘာသာအရ ဒီနေ့ပဲ ချက်ခြင်း သင်္ဂြိုဟ်လိုက်ပါတယ်”လို့ ဒါရိုက်တာ မောင်မောင်မြင့်လွင်ရဲ့ ဇနီးဖြစ်သူ မဖြူဖြူက MTNews Entertainment ကို ပြောပါတယ်။
ဒါရိုက်တာမောင်မောင်မြင့်လွင်ဟာ သားအချစ် မြေးအနှစ်၊အခွံ၊ ကြက်ဆွဲ၊ ဆူး၊ မကျေပွဲ၊ ငမုန်း၊ အပေအတေဖိုးထိန်၊ ဘာလာလာ လာထား၊ ဘတ်ကီး၊ ယောက်ျားဆိုလာထား စတဲ့ ဇာတ်ကားပေါင်းများစွာ ရိုက်ကူးခဲ့သူလည်းဖြစ်ပါတယ်။ ဓာတ်ပုံဆရာ ဒါရိုက်တာတစ်ယောက်အနေနဲ့ အနုပညာသက်တမ်း နှစ် ၃၀ နီးပါးရှိပြီလို့လည်း သိရပါတယ်။
“သွားနှင့်ဦး အကိုရေ။ အလှည့်ရောက်လာရင်လာခဲ့ပါမယ်ဗျာ… ။ အေးချမ်းတဲ့ဘုံဘဝမှာစောင့်နေပါဗျာ…….”လို့ သရုပ်ဆောင် နေမျိုးအောင်ကလည်း ဒါရိုက်တာမောင်မောင်မြင့်အောင်အတွက် သူ့ဝမ်းနည်းမှုကို ပရိသတ်သိအောင် မျှဝေပါတယ်။
