၇. ၁၂. ၂၀၂၃
Written by Tha Doe
မန္တလေးတိုင်း၊ မတ္တရာမြို့နယ်၊ တောင်ပြုံးကျေးရွာအုပ်စု၊တောင်ပြုံးနတ်နန်းအနီး နန်းကြီးရပ်မှာ မီးလောင်ပြီး နေအိမ် ၁၂ လုံး မီးလောင်လို့ ပျက်စီးဆုံးရှုံးခဲ့တယ်လို့ ကနဦးသတင်းတွေအရ သိရပါတယ်။
မီးလောင်မှုဖြစ်စဥ်က ဒီနေ့ ဒီဇင်ဘာ ၇ ရက် မနက် ၁၁ နာရီခွဲခန့်က ၁၂ နာရီ ၅၀ မိနစ်အထိ မီးလောင်ခဲ့တာဖြစ်ပြီးတော့ မီးလောင်မှုဖြစ်ပွားရတဲ့အကြောင်းအရင်းကို မသိရသေးဘဲ နေအိမ် ၁၂ လုံး မီးလောင်ဆုံးရှုံးခဲ့တယ်လို့ ဒေသခံတွေဆီက သိရပါတယ်။
“တောင်ပြုံး မင်းနှစ်ပါး နန်းတော်နားမှာ မီးလောင်တာပါ။ ၁၂ နာရီ ၃၆ မိနစ်လောက်မှာ မီးထိန်းနိုင်ပြီး ၁၂ နာရီ ၅၀ လောက်မှ အပြီးသတ် မီးငြှိမ်းနိုင်တာပါ။ မီးလောင်မှုဖြစ်တဲ့အနားက တစ်ဝင်းလုံးလောင်သွားပြီး အိမ် ၁၂ လုံးလောက်ပါတယ်လို့ ကနဦးသိရပါတယ်။ မင်းနှစ်ပါးနန်းဆောင်က မီးခတာမရှိပါဘူး။ မီးလောင်မှုဖြစ်စဥ်အသေးစိတ်ကိုတော့ တာဝန်ရှိသူတွေ စိစစ်နေပါတယ်” လို့ ဒေသခံ ပရဟိတအဖွဲ့ဝင်တစ်ဦးက MT News ကို ပြောပါတယ်။
ပုံစာ။ တောင်ပြုံးနတ်နန်းအနီး မီးလောင်မှုမြင်ကွင်း (Photo-Wai Lin & Nan Yu & နန်းတော်ရှေ့ )
