၃. ၁၂.၂၀၂၃
Written by KL
မှော်ဘီမြို့နယ်၊ ဘုရားလမ်းကျေးရွာ၊ ဘုရားလမ်းဈေး မှတ်တိုင်ရှေ့တွင် ဒီဇင်ဘာ ၂ ရက်၊ ည ၈နာရီခန့်က လမ်းဖြတ်ကူးသူ အမျိုးသားကို မော်တော်ယာဥ်တစ်စီး တိုက်မိရာမှ လမ်းဖြတ်ကူးသူ သေဆုံးခဲ့ကြောင်း ဒေသခံ လူမှုကူညီရေးအသင်းထံမှ သိရသည်။
သေဆုံးသူ အမျိုးသားကြီးမှာ ပုဂ္ဂလိကကုမ္ပဏီတစ်ခုမှ လုံခြုံရေးဝန်ထမ်းတစ်ဦးဖြစ်ပြီး ယာဥ်တိုက်ခံရသော ဒဏ်ရာများဖြင့်ပင် နေရာတွင်ပင် သေဆုံးခဲ့ခြင်းဖြစ်ကြောင်း သိရသည်။
“လမ်းလယ်မှာလူရပ်နေရင် ညအမှောင်ထဲကားမောင်းရင် မမြင်ရဘူး။ သတိရှိကြဖို့လိုပါတယ်”ဟု ဒေသခံတစ်ဦးကပြောသည်။
သေဆုံးသူအမျိုးသားကို မှော်ဘီမြို့ပြည်သူ့ဆေးရုံရှိ ရင်ခွဲရုံသို့ ပို့ဆောင်ပေးခဲ့ကြောင်း မြို့မလူမှုကူညီရေးအသင်း(မှော်ဘီမြို့)ထံမှ သိရသည်။
