၂. ၁၂. ၂၀၂၃
Written by Pan Ei
ဒီနေ့(ဒီဇင်ဘာ ၂ ရက်) က စပြီး ဖိလစ်ပိုင်နိုင်ငံ၊ မနီလာမြို့မှာ ကျင်းပနေတဲ့ Mobile Legends Bang Bang (MLBB) ရဲ့ World Championship M5 ပွဲစဉ်ကြီးရဲ့ အုပ်စုပွဲစဉ်တွေမှာ အဖွင့်ပွဲအဖြစ် မြန်မာကိုယ်စားပြုအသင်း Burmese Ghouls နဲ့ အိမ်ရှင် ဖိလစ်ပိုင်အသင်း AP Bren တို့ အကြိတ်အနယ် ယှဉ်ပြိုင်ခဲ့ရာမှာ Burmese Ghouls အသင်းက ရှုံးနိမ့်ခဲ့ပါတယ်။
MLBB သမိုင်းတစ်လျှောက်မှာ ထိပ်တိုက်တွေ့ဆုံမှုတွေ ပြင်းထန်ခဲ့တဲ့ Burmese Ghouls နဲ့ AP Bren အသင်းတို့ရဲ့ ဒီနေ့ပွဲစဉ်ဟာဆိုလည်း ပြိုင်ဆိုင်မှုပြင်းထန်ခဲ့ပြီး Best of 3 ပွဲစဉ်မှာ AP Bren အသင်းက နာမည်ကြီး အသင်းကြီးတစ်သင်းဖြစ်တာနဲ့အညီ သေသပ်တဲ့ ကစားကွက်၊ အသင်းသားတွေရဲ့ ပြည့်စုံတဲ့ တွဲလုံးညီမှုတွေနဲ့အတူ ပထမနှစ်ပွဲကို အနိုင်ရယူခဲ့ကာ အနိုင်ပွဲကို ရယူသွားခဲ့တာဖြစ်ပြီး Burmese Ghouls မျိုးဆက်သစ်အသင်းသားတွေအနေနဲ့လည်း နိုင်ငံတကာပွဲအတွေ့အကြုံနုနယ်နေသေးပေမဲ့ ရေကုန်ရေခန်း အကောင်းဆုံးကစားခဲ့တာကို တွေ့မြင်ရပါတယ်။
Burmese Ghouls အသင်းအနေနဲ့ အုပ်စုပွဲစဉ် ဒုတိယနေ့နဲ့ စတုတ္ထနေ့တွေမှာလည်း ယှဉ်ပြိုင်ကစားသွားရမှာဖြစ်ကာ မနက်ဖြန်(ဒီဇင်ဘာ ၃ ရက်) နေ့လယ် ၂ နာရီခွဲ အချိန်မှာ စင်ကာပူအသင်း Flash နဲ့ ယှဉ်ပြိုင်ရမှာဖြစ်ပြီး Wlid Card ပွဲစဉ်မှာ အနိုင်ရရှိခဲ့တဲ့ မွန်ဂိုလီးယားအသင်း Lilgun နဲ့ ဒီဇင်ဘာ ၅ ရက် နေ့လယ် ၁၂ နာရီခွဲအချိန်မှာ ယှဉ်ပြိုင်ကစားသွားရမှာဖြစ်ပါတယ်။
