၂၈. ၁၁. ၂၀၂၃
Written by Pan Ei
တောင်ကိုရီးယားမင်းသမီးချော ပရိသတ်အချစ်တော် ဆုန်းဂျီဟိုဟာ မြန်မာနိုင်ငံမှာလည်း ပရိသတ်တွေ အကြိုက်တွေ့ကြတဲ့ ရသစုံရှိုး Running Man အစီအစဉ်ရဲ့ ပုံမှန်အဖွဲ့ဝင်တစ်ယောက်ဖြစ်သလို နောက်လမှာ စတင်ရိုက်ကူးမယ့် “Hemeko” ဆိုတဲ့ အလှအပရေးရာ အစီအစဉ်မှာလည်း သူမပါဝင်ရိုက်ကူးသွားမှာဖြစ်ပါတယ်။
ဆုန်းဂျီဟိုပါဝင်ရိုက်ကူးမယ့် “Hemeko” ရှိုးဟာ အရှေ့တောင်အာရှခရီးစဉ်နဲ့ ရိုက်ကူးသွားမှာဖြစ်သလို ဒီနေ့ ထုတ်လွှင့်ခဲ့တဲ့ ရှိုးရဲ့ Teaser မှာ မြန်မာနိုင်ငံအပါအဝင် အာရှနိုင်ငံအများအပြားပါဝင်နေတာကြောင့် မြန်မာနိုင်ငံက ပရိသတ်တွေက ရှိုးရိုက်ကူးဖို့အတွက် ဆုန်းဂျီဟိုဟာ မြန်မာနိုင်ငံကိုရောက်ရှိလာမလား ဆိုပြီး ဝမ်းသာ၊ မျှော်လင့်နေကြတာလည်း ဖြစ်ပါတယ်။
“Hemeko” ရှိုးကိုတော့ အာရှခြောက်နိုင်ငံဖြစ်တဲ့ ဟောင်ကောင်၊ ဗီယက်နမ်၊ ဖိလစ်ပိုင်၊ အင်ဒိုနီးရှား၊ မြန်မာနဲ့ ထိုင်ဝမ်တို့မှာ တစ်ပြိုင်နက် ထုတ်လွှင့်ပြသသွားမှာဖြစ်ပြီး ရှိုးရဲ့ထွေလာကိုတော့ နောက်လထဲမှာ ထုတ်လွှင့်သွားမှာဖြစ်တယ်လို့ သိရပါတယ်။
Ref; Instagram
