၂၅. ၁၁. ၂၀၂၃
Written by Nay Moe
လွိုင်ကော်မြို့သိမ်းတိုက်ပွဲမှာ သေဆုံးခဲ့တဲ့ အသက်မပြည့်သေးတဲ့ Loikaw PDF အဖွဲ့ဝင် ကျော်လင်းအောင်ရဲ့ စျာပနကို နိုဝင်ဘာ ၂၃ ရက်က ပြုလုပ်ခဲ့ပါတယ်။
ကျော်လင်းအောင်ဟာ ၂၀၀၆ ခုနှစ် ဧပြီ ၆ ရက်မှာ မွေးဖွားသူဖြစ်ပြီး ၂၀၂၃ ခုနှစ် နိုဝင်ဘာ ၂၂ ရက် လွိုင်ကော်မြို့တိုက်ပွဲမှာ သေဆုံးခဲ့တယ်လို့ ပြည်သူ့ကာ ကွယ်ရေးတပ် (လွိုင်ကော်)၊ အလယ်ပိုင်းတိုင်း တပ်ရင်း အမှတ် – ၁၁၀၃ ၊ တော်လှန်ရေးတပ်ပေါင်းစုထုတ်ပြန်ချက်မှာ ဖော်ပြထားလို့ သေဆုံးချိန်မှာ အသက် ၁၈ နှစ်မပြည့်သေးဘဲ ၁၇ နှစ်ကျော်ရုံသာရှိပါသေးတယ်။
ပြီးခဲ့တဲ့ နိုဝင်ဘာ ၁၁ ရက် ၁၁၁၁ တိုက်ပွဲစတင်ချိန်ကလည်း လွိုင်ကော် PDF ကပဲ အသက် ၂၆ နှစ်အရွယ် ရဲဘော်လားရှိုးဟာ ဘုရားဖြူတိုက်ပွဲမှာ သေဆုံးခဲ့ပါသေးတယ်။
လွိုင်ကော်ကို KNPP၊ KNDF၊ KA နဲ့ PDF စတဲ့ ကယားလက်နက်ကိုင်တွေ မြို့သိမ်းတိုက်ပွဲဆင်နွှဲနေတာကြောင့် တစ်မြို့လုံးထွက်ပြေးနေရသလို နှစ်ဖက်ထိခိုက်ကျဆုံးမှုလည်းများနေပေမဲ့ ရက်သတ္တပတ်နှစ်ပတ်ကြာလာတဲ့အထိတော့ သိမ်းနိုင်ခြင်းမရှိသေးပါဘူး။
