၁၇. ၁၁. ၂၀၂၃
Written By Thandar
BL Series ဇာတ်လမ်းပုံစံ “My Dear You” ဇာတ်လမ်းတွဲ Press Conference Show ကို နိုဝင်ဘာ ၁၆ ရက် ညနေပိုင်းက ရန်ကုန်မြို့ Kantharyar Shopping Center မှာ ကျင်းပခဲ့ပါတယ်။
“ဒီဇာတ်ကားလေးက လွန်ခဲ့တဲ့ ၃ နှစ်လောက်ထဲက ရိုက်ထားတဲ့ကားပါ။ တော်တော်လေးလည်း ကြာနေပါပြီ။ မြန်မာပြည်မှာ BL စ ရိုက်ကြတယ်ပေါ့။ ထုတ်လုပ်ရေးကလည်း ဒီဇာတ်လေးရှိတယ် Jay Bass နဲ့ ရိုက်မယ်။ Jay Bass က BL Teaser မင်းသားပေါ့။ Teaser တွေထွက်တဲ့မင်းသားပေါ့ ။ သူ့မှာ Fan တွေလည်း အများကြီးရှိတယ်။ ဒါကြောင့်ရိုက်ဖြစ်သွားတာပါ”လို့ ဒါရိုက်တာပွင့်သိင်္ဂီဇော်က ပြောပါတယ် ။
ဒီဇာတ်ကားကို ဇာတ်လမ်း Sky & Anna Linn ၊ ဇာတ်ညွှန်းပိုင်းကို မေမိုး ရေးသားပြီး ဒါရိုက်တာ ပွင့်သိင်္ဂီဇော်က သရုပ် ဆောင်တွေဖြစ်တဲ့ Jay Bass ၊ Francis Leo ၊ အောင်ဇေယျမင်းထင်၊ သီဟတင်အောင်စိုး ၊ သန္တာဗို ၊ သဉ္ဇာ စတဲ့အနုပညာရှင်တွေနဲ့ ရိုက်ကူးထားပါတယ်။
“ကျွန်တော်က ဒီဇာတ်ကားမှာ စဝ်ခွန်းစ။ ကောင်လေးက အဖေ့ရဲ့အရိုက်အရာကို ဆက်ခံပြီး Company ကို ဦးစီးနေတယ်။ နောက် ကိုယ်ဝါသနာပါတဲ့ သရုပ်ဆောင် အလုပ်ကို လုပ်ကိုင်နေပြီးတော့ တခြားသူနဲ့လည်း သိပ်အရောတဝင်မရှိဘဲ ကိုယ့်အကြောင်းအရာတွေ လျှို့ဝှက်နိုင်လွန်းသူလို ပုံဖော်ထားပါတယ်”လို့ သရုပ်ဆောင် Jay Bass က ပြောပါတယ်။
အပိုင်း ၁၀ ပိုင်းပါတင်မယ့် BL Series ဖြစ်တဲ့ My Dear You ဇာတ်လမ်းတွဲကို လာမယ့် နိုဝင်ဘာ ၂၅ ရက်က စတင်ပြီး အပတ်စဉ် စနေနေ့ နဲ့ တနင်္ဂနွေနေ့တွေမှာ HEY Play Application မှာ ထုတ်လွှင့်ပြသမှာဖြစ်ပါတယ်။
