Honey Nest ဗုံးပေါက်မှုမြင်ကွင်းဆိုကာ လူမှုကွန်ရက်တွင် ပျံ့နှံ့နေသောဓာတ်ပုံ
၁၄. ၁၁. ၂၀၂၃
Written by Nay Moe
ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ် (၁) ရပ်ကွက်၊ သမိုင်းဘူတာရုံလမ်း၊ အမှတ် (၁၁၀) ရှိ Honey Nest DJ Bar မှာ နိုဝင်ဘာ ၁၃ ရက် ည ၉ နာရီ ၂၅ မိနစ်ခန့်က ဗုံးပေါက်ကွဲမှုဖြစ်ခဲ့ပြီး လူထိခိုက်မှုမရှိဘူးလို့ သိရပါတယ်။
ပေါက်ကွဲမှုဟာ ဆိုင်အပြင်ဘက်မှာဖြစ်ခဲ့တာကြောင့် တစ်ဦးတစ်ယောက်မှ မထိခိုက်ဘူးလို့ စုံစမ်းသိရပြီး PDF တွေနဲ့ ဆက်နွှယ်ထောက်ခံသူတွေကလည်း “ရေပေါ်ဆီတွေ ခြောက်လှန့်တာ” ဆိုတာမျိုး ရေးသားနေတာကို တွေ့ရပါတယ်။
Honey Nest DJ Bar ဟာ ပြီးခဲ့တဲ့ ၂၀၂၂ ဧပြီ ၅ ရက်တုန်းကလည်း ဗုံးနှစ်ကြိမ် ဖောက်ခွဲတိုက်ခိုက်မှုခံခဲ့ရပြီး အခုကတော့ ဒုတိယအကြိမ်တိုက်ခိုက်ခံရတာဖြစ်သလို အဲဒီအချိန်တုန်းကတော့ Dark Shadow UG PDF က ဗုံးခွဲခဲ့တာဖြစ်ပြီး လက်ရှိလုပ်ရပ်ကိုတော့ ဝန်ခံလာတဲ့ PDF အဖွဲ့ မရှိသေးပါဘူး။
