MT News
Written by Nay Moe
လက်နက်ကိုင် AA နှင့် KIA အဖွဲ့ဝင်အများစုပါဝင်သော တိုင်းရင်းသားလက်နက်ကိုင်အဖွဲ့ဝင် ၄၁ ဦးကို SAC က လွတ်ငြိမ်းခွင့် ထပ်မံပေးအပ်ခဲ့ကြောင်း နိုဝင်ဘာ ၁၈ ရက်နေ့က ကြေညာသည်။
၁၀၂ နှစ်မြောက်အမျိုးသားအောင်ပွဲနေ့ကို ဂုဏ်ပြုသောအားဖြင့် တိုင်းရင်းသားစည်းလုံးညီညွတ်ရေးနှင့် ပြည်တွင်းငြိမ်းချမ်းရေးကို ရှေးရှုကာ အကျဉ်းထောင်အသီးသီးတွင် ပြစ်ဒဏ်ကျခံနေရသည့် EAOs အဖွဲ့ဝင် ၄၁ ဦးကို “နောက်တစ်ကြိမ် ပြစ်မှုထပ်မံကျုးလွန်ပါက ၎င်းပြစ်ဒဏ်အပြစ် ယခု ကျခံရန် ကျန်ရှိသော ပြစ်ဒဏ်များကိုပါ ဆက်လက်ကျခံပါမည်”ဟူသော စည်းကမ်းသတ်မှတ်ချက်ဖြင့် ပြစ်ဒဏ်လွတ်ငြိမ်းခွင့်ပြုခဲ့သည်။
ပြစ်ဒဏ်လွတ်ငြိမ်းခွင့်ရသူ ၄၁ ဦးတွင် AA မှ ၁၇ ဦး၊ KIA မှ ၁၇ ဦး၊ RCSS/SSA အဖွဲ့ဝင် ငါးဦးနှင့် KNU/KNLA အဖွဲ့ဝင် ငါးဦး ပါဝင်ခဲ့သည်။
ထို့အတူ AA အဖွဲ့ဝင်တစ်ဦးနှင့် KIA အဖွဲ့ဝင်သုံးဦးကိုလည်း တရားရုံးများတွင် စွဲဆိုထားသော ပြစ်မှုဆိုင်ရာအမှုများကို ပိတ်သိမ်းပေးခဲ့ကြောင်း သိရသည်။
